ରାଂଚି– ରାଂଚି-ଖୁଂଟି ରୋଡ଼ର ହରିଣ ପାର୍କ ନିକଟରେ ସଡ଼କ ଦୁର୍ଘଟଣାରେ ରବିବାର ଦୁଇ ଜଣ ଯୁବକଙ୍କ ମୃତ୍ୟୁ ଘଟିଛି । ଅଜଣା ଗାଡି ଧକ୍କାରେ ବାଇକ୍ ଆରୋହୀ ଦୁଇ ଯୁବକ ଗୁରୁତର ହୋଇଥିଲେ । ତେବେ ହସ୍ପିଟାଲ ନିଆଯିବା ପୂର୍ବରୁ ଉଭୟଙ୍କ ମୃତ୍ୟୁ ଘଟିଛି । ମୃତକ ଦ୍ୱୟଙ୍କ ପରିଚୟ ମିଳିପାରିନାହିଁ । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ସଦର ହସ୍ପିଟାଲକୁ ପଠାଇଛି । ପୋଲିସ ପକ୍ଷରୁ ଶବ ଚିହ୍ନଟ ପ୍ରକ୍ରିୟା ଜାରି ରହିଛି ।
