ଭୁବନେଶ୍ୱର- ଭୁବନେଶ୍ୱର ଉପକଣ୍ଠସ୍ଥ ଛତାବର ପଂଚାୟତ ଅଧିନସ୍ଥ ଚନ୍ଦକା-ଡ଼ମପଡ଼ା ହସ୍ତୀ ଅଭୟାରଣ୍ୟ ଘେର ମଧ୍ୟରେ ଥିବା କନ୍ଦଳେଇଆଦିବାସୀପଲ୍ଲୀରେ ନୂଆବର୍ଷକୁ ନିଆରା ଢଙ୍ଗରେ ପାଳନ କରାଯାଇଥିଲା । ନୂଆଦିଲ୍ଲୀର ସାମାଜିକ ଅନୁÂାନ ‘ଆଶ୍ରା’ ପକ୍ଷରୁ ପଲ୍ଲୀର ପିଲାମାନଙ୍କୁ ବେଲୁନ୍, ବିସ୍କୁଟ, ଚକୋଲେଟ ବଂଟନ ଏବଂ ପାରମ୍ପରିକ ନାଚଗୀତ ସହ ନୂଆବର୍ଷକୁ ପାଳନ କରିଥିଲେ । ନୂଆବର୍ଷରେ ଜଙ୍ଗଲ ସୁରକ୍ଷା ପାଇଁ ନୂଆ କାର୍ଯ୍ୟକ୍ରମ କରିବା ପାଇଁ ବିଦ୍ୟାର୍ଥୀମାନେ ସଂକଳ୍ପ ନେଇଥିଲେ । ସମାଜର ମୁଖ୍ୟ ସ୍ରୋତରେ ଏମାନଙ୍କୁ ସାମିଲ୍ କରିବା ଆମର ମୂଳ ଲକ୍ଷ୍ୟ ଓ ସଂକଳ୍ପ ବୋଲି ଏହି ଅବସରରେ ସାମାଜିକ କର୍ମୀ ସୁଶାନ୍ତ ସାହୁ କହିଛନ୍ତି ।
ଆୟୋଜିତ କାର୍ଯ୍ୟକ୍ରମରେ ସରକାରୀ ପ୍ରକଳ୍ପ ପ୍ରାଥମିକ ବିଦ୍ୟାଳୟ କନ୍ଦଳେଇର ଭାରପ୍ରାପ୍ତ ପ୍ରଧାନ ଶିକ୍ଷକ ପବିତ୍ର ମୋହନ ନାୟକ, ବାଲୁକା ଶିଳ୍ପୀ ସୁବଳ ମହାରଣା, ସାମାଜିକ କର୍ମୀ ପ୍ରଦୀପ୍ତ ରଞ୍ଜନ ରାଉତ, ତ୍ରିଲୋଚନ ବେଉରା, ପି୍ରୟବ୍ରତ ପଣ୍ଡା ପ୍ରମୁଖ ଉକ୍ତ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।
