ଜାମସେଦପୁର, ଡିସେମ୍ବର 10ରେ ଉପରାଷ୍ଟ୍ରପତି ଜଗଦୀପ ଧନଖଡ ଝାରଖଣ୍ଡ ଗସ୍ତ କରିବେ । ରାଜ୍ୟର ଦୁଇଟି ଜିଲ୍ଲା ଜାମସେଦପୁର ଓ ଧାନବାଦରେ ରହିଛି ଉପରାଷ୍ଟ୍ରପତିଙ୍କ କାର୍ଯ୍ୟକ୍ରମ ।
ଉପରାଷ୍ଟ୍ରପତି ପ୍ରଥମେ ସହରର ପ୍ରବନ୍ଧନ ସଂସ୍ଥା ଏକ୍ସଏଲଆରଆଇର ସ୍ଥାପନାର 75 ବର୍ଷ ପୂରଣ ଅବସରରେ ପ୍ଲାଟିନମ ଜୁବୁଲି ସମାରୋହରେ ମୁଖ୍ୟ ଅତିଥି ଭାବେ ଯୋଗ ଦେବେ । ଏହି ସମାରୋହକୁ ଦେଶର ବିଭିନ୍ନ ପ୍ରାନ୍ତରରୁ ଦିଗଜ୍ଜମାନଙ୍କୁ ନିମନ୍ତ୍ରଣ କରାଯାଇଛି ।
ରବିବାର 2ଟା ବେଳେ ଉପରାଷ୍ଟ୍ରପତି ଏକ୍ସଏଲଆରଆଇରେ ପହଞ୍ଚିବେ । ଏହାପୂର୍ବରୁ ସ୍ୱତନ୍ତ୍ର ବିମାନ ଯୋଗେ ସେ ରାଞ୍ଚିରେ ପହଞ୍ଚିବେ । ଏହାପରେ ସେ ଜାମସେଦପୁର ଗସ୍ତ କରିବେ । ତାଙ୍କ ସହ ଝାରଖଣ୍ଡ ରାଜ୍ୟପାଳ ସିପି ରାଧାକୃଷ୍ଣନ, ଟାଟା ଷ୍ଟିଲ ଲିମିଟେଡର ସିଇଓ ସହ ଏମଡି ଟିଭି ନରେନ୍ଦ୍ନ, ଏକ୍ସଏଲଆରଆଇର ଡାଇରେକ୍ଟର ଫାଦର ଏଦ ଜର୍ଜ ଫର୍ଣ୍ଣାଣ୍ଡିଜ ରହିବେ । ଅପରାହ୍ନ 3.50ରେ ସେ ଧାନବାଦ ଅଭିମୁଖେ ଯାତ୍ରା କରିବେ । ସେଠାରେ ସେ ଭାରତୀୟ ପ୍ରଦ୍ୟୋଗିକ ସଂସ୍ଥାନ-ଭାରତୀୟ ଖଣି ବିଦ୍ୟାପୀଠ ଧାନବାଦର 43ତମ ଦୀକ୍ଷାନ୍ତ ସମାରୋହରେ ମୁଖ୍ୟ ଅତିଥି ଭାବେ ଯୋଗ ଦେବେ ।
