ଜୟପୁର– ବାଇକ ଚୋରି ମାମଲାରେ ଜଣେ ଗିରଫ। ଗିରଫ ଅଭିଯୁକ୍ତକୁ କୋର୍ଟଚାଲାଣ କରାଯାଇଛି। ଏଭଳି ଏକ ଘଟଣା ୩୨୬ ନମ୍ବର ଜାତୀୟ ରାଜପଥ ବୈପାରୀଗୁଡା ମୁଖ୍ୟ ରାସ୍ତାରେ ଘଟିଛି। ଗିରଫ ଅଭିଯୁକ୍ତ ଜୟପୁର ସ୍ଥିତ ଏକମ୍ବା ଗାଁ ର ବଳରାମ ହରିଜନ ବୋଲି ଜଣାପଡିଛି।
ବୈପାରୀଗୁଡା ମୁଖ୍ୟ ରାସ୍ତା ପାର୍ଶ୍ଵରେ ଥିବା ପରିବା ଦୋକାନ ମାଲିକଙ୍କ ୟୁନିକନ ବାଇକ ଦୋକାନ ଆଗରେ ରଖାଯାଇଥିଲା, ହେଲେ ଦୋକାନରେ ଗହଳିର ସୁଯୋଗ ନେଇ ଗତକାଲି ଦୁର୍ବୃତ୍ତ ବାଇକ ଚୋରୀ କରି ନେଇଯାଇଥିଲେ। ବାଇକ ମାଲିକ ଥାନାରେ ଅଭିଯୋଗ କରିବା ପରେ ବୈପାରୀଗୁଡା ପୋଲିସ ମାଲକାନଗିରି ରାସ୍ତାରେ ଯାଞ୍ଚ କରୁଥିଲେ। ସେହି ସମୟରେ ଚୋରୀ ହୋଇଥିବା ବାଇକକୁ ଅଟକାଇ ଚୋରକୁ ଗିରଫ କରିଛି ବୈପାରୀଗୁଡା ପୋଲିସ।
