ଭୁବନେଶ୍ୱର– ଆଦିବାସୀ ମହିଳାଙ୍କୁ ଘରେ ପଶି ଗତକାଲି ରାତିରେ ତିନି ରାଉଣ୍ଡ ଗୁଳି ମାଡ଼ ହୋଇଛି। ବାଲେଶ୍ୱର ଜିଲ୍ଲା ନୀଳଗିରି ବ୍ଲକ ବରହମପୁର ଥାନା ରାଇପାଳ ଗ୍ରାମରେ ଘଟିଛି ଏଭଳି ଘଟଣା । ୫୦ ବର୍ଷୀୟ ମହିଳା ଲକ୍ଷ୍ମୀ ମୁର୍ମୁ ଘରେ ଶୋଇଥିବା ବେଳେ ଦୁଇ ଜଣ ଅଜଣା ଯୁବକ ଗୁଳି କରି ଚମ୍ପଟ ମାରିଥିବା ଜଣାପଡିଛି। ଗୁରୁତର ଅବସ୍ଥାରେ ମହିଳାଙ୍କୁ ପ୍ରଥମେ ନୀଳଗିରି ପରେ କଟକ ମେଡ଼ିକାଲ ସ୍ଥାନାନ୍ତରିତ କରାଯାଇଛି। ମହିଳାଙ୍କ ଅଣ୍ଟା, ପେଟ ଓ ହାତରେ ଗୁଳି ବାଜିଥିବା ଜଣାପଡିଛି।
