ଭୋପାଳ, ମଧ୍ୟପ୍ରଦେଶ ବିଧାନସଭା ନିର୍ବାଚନରେ ବିଜୟ ପରେ ବିଭିନ୍ନ ରାଜନୈତିକ ଦଳ ଓ ନେତା ବିଜେପି ନେତାଙ୍କୁ ସାକ୍ଷାତ କରି ଶୁଭେଚ୍ଛା ଜଣାଇଛନ୍ତି । ଏହି କ୍ରମରେ ପୂର୍ବତନ ମୁଖ୍ୟମନ୍ତ୍ରୀ କମଲନାଥ ସୋମବାର ଦିନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନଙ୍କୁ ସିଏମ ହାଉସରେ ଭେଟି ବିଜେପିକୁ ମିଳିଥିବା ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି ।
ମୁଖ୍ୟମନ୍ତ୍ରୀଙ୍କ ବାସଭବନରେ ଦୁଇ ନେତାଙ୍କ ମଧ୍ୟରେ ହୋଇଥିବା ଭେଟଘାଟ ବେଳେ କମଲନାଥଙ୍କ ପୁଅ ନକୁଳନାଥ ମଧ୍ୟ ଥିଲେ । କମଲନାଥ ଫୁଲତୋଡା ଦେଇ ଶିବରାଜଙ୍କୁ ଶୁଭେଚ୍ଛା ଜଣାଇଥିଲେ । ଶିବରାଜ ମଧ୍ୟ ହସି ହସି କମଲନାଥଙ୍କ ସ୍ୱାଗତ କରିବା ସହ ତାଙ୍କ ଶୁଭେଚ୍ଛାକୁ ଗ୍ରହଣ କରିଥିଲେ ।
