-
ଶୀତ ବସ୍ତ୍ର ପାଇ ଖୁସି ହେଲେ ବ୍ରାହ୍ମଣ
କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଉତ୍କଳ ବିଦ୍ଵତ ପରିଷଦ ତରଫରୁ “ସେବା ହିଁ ପରମ ଧର୍ମ ” ଏହି ମନ୍ତ୍ର କୁ ପାଥେୟ କରି ଚଳିତ ବର୍ଷ ଶୀତ ବସ୍ତ୍ର ବଣ୍ଟନ କାର୍ଯ୍ୟ ଆରମ୍ଭ କରିଛି|
ପୂର୍ବ ବର୍ଷ ମାନଙ୍କ ଭଳି ଏହି କାର୍ଯ୍ୟକ୍ରମ ଶ୍ରୀମନ୍ଦିର ର ମୁକ୍ତିମଣ୍ଡପ ଓ ପଣ୍ଡିତ ସଭା ର ଶହେ ଜଣ ବ୍ରାହ୍ମଣ ଙ୍କୁ ଶୀତ ବସ୍ତ୍ର ବଣ୍ଟନ କରାଯାଇ ଶୁଭାରମ୍ଭ ହୋଇଛି | ଶ୍ରୀମନ୍ଦିର ଦକ୍ଷିଣ ଦ୍ୱାର ସମ୍ମୁଖସ୍ଥ ମଣ୍ଡପରେ ଉତ୍କଳ ବିଦ୍ଵତ ପରିଷଦ ର ସଭାପତି ମନୋଜ ରଥ , ମୁକ୍ତି ମଣ୍ଡପର ସମ୍ପାଦକ ଅଜିତ ମିଶ୍ର , ମୁକ୍ତି ମଣ୍ଡପ ପଣ୍ଡିତ ସଭା ର ଉପସଭାପତି ଉମାବଲ୍ଲଭ ମହାପାତ୍ର , ସହ ସମ୍ପାଦକ ରଘୁନାଥ ମିଶ୍ର ଙ୍କ ଉପସ୍ଥିତିରେ ପଣ୍ଡିତ ବ୍ରାହ୍ମଣ ମାନଙ୍କୁ ଶୀତ ବସ୍ତ୍ର ଓ ଦକ୍ଷିଣା ପ୍ରଦାନ କରାଯାଇଥିଲା | ବ୍ରାହ୍ମଣମାନେ ପ୍ରୀତ ହୋଇ ଜଗତ କଲ୍ୟାଣ ଉଦେଶ୍ୟରେ ସ୍ବସ୍ତି ବାଚନ ପାଠ କରିଥିଲେ |
ଆଗାମୀ ଦିନରେ ଉତ୍କଳ ବିଦ୍ଵତ ପରିଷଦ ପକ୍ଷରୁ ସମାଜ ର ବିଭିନ୍ନ ଅସହାୟ ଓ ଅବହେଳିତ ବର୍ଗ ଙ୍କୁ ଶୀତ ବସ୍ତ୍ର ବଣ୍ଟନ କରାଯିବ |
ଉତ୍କଳ ବିଦ୍ଵତ ପରିଷଦ ର ସମ୍ପାଦକ ବିଜୟ କୃଷ୍ଣ ବ୍ରହ୍ମା , କୋଷାଧକ୍ଷ କମଳାକାନ୍ତ ଆଚାର୍ଯ୍ୟ , ସଦସ୍ୟ ବିରଂଚି ମିଶ୍ର , ଦିବ୍ୟ ରଞ୍ଜନ ଦାଶ , ଶ୍ରୀମତୀ ଜ୍ୟୋତି ମହାପାତ୍ର , ଭବାନୀ ସାମନ୍ତରାୟ , ରାଜେନ୍ଦ୍ର ପାତ୍ର ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ |
