କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ, ଗୋପାଳପୁର ଓଡ଼ିଶାର ଅନ୍ୟତମ ଫାର୍ମାସୀ ଶିକ୍ଷାନୁଷ୍ଠାନ ଆଇ.ଏମ୍.ଟି ଫାର୍ମାସୀ କଲେଜ୍, ପୁରୀରେ ବିଶ୍ଵ ଏଡ଼ସ ଦିବସ ପାଳିତ ହୋଇଯାଇଛି। ଏଡ଼ସ ମୁକ୍ତ ସମାଜ ସୃଷ୍ଟି ପାଇଁ ସମୂହ ଉଦ୍ୟମ ଆବଶ୍ୟକ, ଏହି ବାର୍ତ୍ତା ନେଇ ଅନୁଷ୍ଠାନର ଶତାଧିକ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକା ପୁରୀ ବସ ଷ୍ଟାଣ୍ଡରେ ପହଁଚିଥିଲେ। ପ୍ଲା କାର୍ଡ, ପ୍ରଚାର ପତ୍ର ଓ ବ୍ୟାନର ମାଧ୍ୟମରେ ବସ ଯାତ୍ରୀ , କର୍ମଚାରୀ ଓ ଉପସ୍ଥିତ ଜନସାଧାରଣଙ୍କୁ ଛାତ୍ରଛାତ୍ରୀମାନେ ସଚେତନତାର ବାର୍ତ୍ତା ବାଣ୍ଟିଥିଲେ। ଡ଼ାକବାଜି ଯନ୍ତ୍ର ମାଧ୍ୟମରେ ବିଭିନ୍ନ ସ୍ଲୋଗାନ ଦେଇ ବସଷ୍ଟାଣ୍ଡ ଚାରିପଟ ପରିକ୍ରମା କରିଥିଲେ । ବିଶ୍ବରୁ ଏହି ମହାମାରୀ କିପରି ଦୂର ହେବ ଛାତ୍ରଛାତ୍ରୀ ମାନେ ଜନସାଧାରଣଙ୍କୁ ବୁଝାଇଥିଲେ।
