କନ୍ଧମାଳ – ଫୁଲବାଣୀ ସ୍ୱୟଂଶାସିତ ମହାବିଦ୍ୟାଳୟର ବିଭିନ୍ନ ବିଭାଗରେ ଆଜି ସ୍ୱାଗତ ଉତ୍ସବ ଅନୁଷ୍ଠିତ ହୋଇଛି । ଏହି ସ୍ୱାଗତ ଉତ୍ସବରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରଞ୍ଜନ କୁମାର ମାହାଲିକ ମୁଖ୍ୟ ଅତିଥିଭାବେ ଯୋଗ ଦେଇ ଛାତ୍ରଛାତ୍ରୀମାନଙ୍କ ଉଜ୍ଜଳ ଭବିଷ୍ୟତ କାମନା କରିଥିଲେ । ଶୃଙ୍ଖଳିତ ଛାତ୍ର ଜୀବନ ସହ କଠିନ ଅଧ୍ୟବସାୟ କରି ବିଦ୍ୟା ଆରୋହଣ କରିବାକୁ ସେ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଥିଲେ । ସମ୍ମାନିତ ଅତିଥିଭାବେ ପୁଲକ ଚନ୍ଦ୍ର ଫିଲିପ୍ସ, ଡ. ସୁଦର୍ଶନ ସାହୁ ପ୍ରମୁଖ ଯୋଗଦେଇ ଛାତ୍ରଛାତ୍ରୀଙ୍କୁ ଜଣେ ଜଣେ ସୁନାଗରିକ ହେବାକୁ ଆହ୍ୱାନ କରିଥିଲେ । ଏହି ଅବସରରେ ନୂତନ ଛାତ୍ରଛତ୍ରୀମାନଙ୍କୁ ସିନିୟର ଛାତ୍ରଛାତ୍ରୀମାନେ ପୁଷ୍ପଗୁଛ ଦେଇ ସ୍ୱାଗତ ଜଣାଇ ଥିଲେ । ଉତ୍ସବ ପରେ ଛାତ୍ରଛାତ୍ରୀଙ୍କ ଦ୍ୱାରା ସାଂସସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା । ଭୁଗୋଳ ବିଭାଗର ସ୍ୱାଗତ ଉତ୍ସବକୁ ଅଧ୍ୟାପକ ସମ୍ୟକ ବଡସେଠ୍ ପରିଚାଳନା କରିଥିଲେ ଓ ଅଧ୍ୟାପକ ତନୁଜ ସାହୁ, ଆଦିତ୍ୟ ଝଙ୍କାର, ନିର୍ମଳ ଚନ୍ଦ୍ର ପାଣି ପ୍ରମୁଖ ସହେଯାଗ କରିଥିଲେ । ସେହିପରି ରସାୟନ ବିଜ୍ଞାନ ବିଭାଗର ଉତ୍ସବରେ ବିଭାଗୀୟ ମୁଖ୍ୟ ଡ. ପ୍ରିୟବ୍ରତ ପଟ୍ଟନାୟକ ପୌରହିତ୍ୟ କରିଥିବା ବେଳେ ଅଧ୍ୟାପକ ମନୋରଞ୍ଜନ ସାହୁ ପରିଚାଳନା କରିଥିଲେ ଓ ଅଧ୍ୟାପିରା କଲ୍ୟାଣି ସହେଯାଗ କରିଥିଲେ । ଇଂରାଜୀ ବିଭାଗର ଉତ୍ସବରେ ବିଭାଗୀୟ ମୁଖ୍ୟ ଡ. ସୁବାଷ ଚନ୍ଦ୍ର ପ୍ରଧାନ ପୌରହିତ୍ୟ କରିଥିବା ବେଳେ ଅଧ୍ୟାପକ ଅକିନ୍ତ ମହାରାଣା ଓ ରମାକାନ୍ତ ସହେଯାଗ କରିଥିଲେ । ଓଡିଆ ବିଭାଗ ପ କ୍ଷରୁ ଅନୁଷ୍ଟିତ ଉତ୍ସବରେ ବିଭାଗ୍ୟୀ ମୁଖ୍ୟ ମଧୁସ୍ମିତା ମହାପାତ୍ର ପରିଚାଳନା କରିଥିବା ବେଳେ ଅଧ୍ୟାପକ ମନୋଜ ମଲ୍ଲିକ, ସଦାନନ୍ଦ ଦତୁ, ମନୋରଞ୍ଜନ କହଁର ପ୍ରମୁଖ ସହେଯାଗ କରିଥିଲେ ।
