ନ୍ୟୁୟର୍କ, ଆମେରିକାରେ ଭାରତର ରାଷ୍ଟ୍ରଦୂତ ତରନଜିତ ସିଂହ ସିନ୍ଧୁଙ୍କୁ ପ୍ରକାଶ ପର୍ବରେ ଲଙ୍ଗ ଆଇଲ୍ୟାଣ୍ଡରେ ଏକ ଗୁରୁଦ୍ୱାରରେ ଖଲିସ୍ଥାନ ସମର୍ଥକମାନେ ଠେଲାପେଲା କରିଛନ୍ତି । ତରନଜିତ ଏଠାରେ ମାଥା ଟେକିବାକୁ ଯାଇଥିବା ବେଳେ ଏହି ଅଭାବନୀୟ ଘଟଣା ଘଟିଛି । ଶିଖ୍ ସମ୍ପ୍ରଦାୟର ଲୋକେ ଏହି ଲୋକଙ୍କୁ ବାହାରକୁ କାଢି ଦେଇଥିଲେ ।
ରବିବାର ସିନ୍ଧୁ ଏକ୍ସରେ ଲେଖିଛନ୍ତି ଯେ, ଲଙ୍ଗ ଆଇଲ୍ୟାଣ୍ଡର ଗୁରୁ ନାନକ ଦରବାରରେ ଗୁରୁପର୍ବ ପାଳନ କରିବାର ସୌଭାଗ୍ୟ ମିଳିଲା । ଏହି ଅବସରରେ ସେ କିର୍ତ୍ତନ ଶୁଣିଥିଲେ । ଗୁରୁ ନାନକଙ୍କ ଏକଜୁଟତା, ଏକତା ଓ ସମାନତାର ଶାଶ୍ୱତ ବାର୍ତ୍ତା ଉପରେ ଚର୍ଚ୍ଚା ହୋଇଥିଲା । ସମସ୍ତଙ୍କ ପାଇଁ ଆଶୀର୍ବାଦ ଭିକ୍ଷା କରିଥିଲି ।
