କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ, ପୁରୀ
ପୁରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ ଏବଂ ସରକାରୀ ମହିଳା ମହାବିଦ୍ୟାଳୟ ର ମିଳିତ ଆନୁକୁଲ୍ୟରେ ସମର ଶିକ୍ଷାର୍ଥୀ ବାହିନୀ ଦିବସ ରାମଚଣ୍ଡୀ ସାହି ସ୍ଥିତ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି I ଏଥିରେ ବିଧାୟକ ଜୟନ୍ତ କୁମାର ଷଡଙ୍ଗୀ ମୁଖ୍ୟ ଅତିଥି ଭାବେ ଯୋଗଦେଇ ପିଲାମାନେ ଭଲ ମଣିଷ ହେବା ସହ ସେବା ମନୋବୃତ୍ତି ଗ୍ରହଣ କରନ୍ତୁ ବୋଲି ପ୍ରକାଶ କରିଥିଲେ I ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ ସମ୍ମାନିତ ଅତିଥି ରୂପେ ଯୋଗଦେଇ ସେବା ଓ ସମର୍ପଣର ଅନ୍ୟ ନାମ ହେଲା ଏହି ସ୍ୱେଚ୍ଛାସେବୀ ମାନେ I ରାଷ୍ଟ୍ର ଗଠନରେ ଏହି ଛାତ୍ରୀ ମାନଙ୍କ ଭୂମିକା ଅତୁଳନୀୟ ବୋଲି ମତ ବ୍ୟକ୍ତ କରିଥିଲେ I ଅନ୍ୟତମ ଅତିଥି ଭାବେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ସନ୍ତୋଷ କୁମାର ସେଠୀ,ଉପ ଅଗ୍ନିଶମ ଅଧିକାରୀ ନାରାୟଣ ଦାଶ, ସ୍ଵେଚ୍ଛାସେବୀ ସଂଗଠନ ‘ସମର୍ପଣ’ର ନିର୍ଦେଶିକା ଜୟନ୍ତୀ ମହାପାତ୍ର, ‘ଅଭିନନ୍ଦନିକା’ର ସମ୍ପାଦକ ଶ୍ୟାମ ପ୍ରକାଶ ସେନାପତି, ‘ମିଶନଓଡିଶା’ର ସମ୍ପାଦକ ମଧୁସୂଦନ ମିଶ୍ର ,ଆଲୁମିନି ସଭାପତି ରୀନା କୁମାରୀ ସାହୁ ପ୍ରମୁଖ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ I ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପୁଷ୍ପଶ୍ରୀ ପଟ୍ଟନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଦ୍ୟାଳୟ ସମର ଶିକ୍ଷାର୍ଥୀ ବାହିନୀ ଅଧିକାରୀ ଶୋଭାମଣି ସ୍ଵାଇଁ ସ୍ଵାଗତ ଭାଷଣ ପ୍ରଦାନ କରିଥିବା ବେଳେ ମହାବିଦ୍ୟାଳୟ ସମର ଶିକ୍ଷାର୍ଥୀ ବାହିନୀ ଅଧିକାରୀ ମଞ୍ଜୁଲତା ମହାଲି ଧନ୍ୟବାଦ ପ୍ରଦାନ କରିଥିଲେ I କୃତି ଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା I ଛାତ୍ରୀମାନଙ୍କ ଦ୍ଵାରା ଚିତ୍ତାକର୍ଷକ ସଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା I ପ୍ରାରମ୍ଭରେ ମୁଖ୍ୟଅତିଥି ଙ୍କ ଦ୍ବାରା ଏନ୍ .ସି .ସି ପତାକା ଉତ୍ତୋଳନ କରାଯିବା ସହ ସଂକଳ୍ପବଦ୍ଧତା ଶପଥପାଠ କରାଯାଇଥିଲା I ଶିକ୍ଷୟତ୍ରୀ ଅଳକା ନନ୍ଦା ମଞ୍ଚ ସଞ୍ଚାଳନ କରିଥିଲେ I
