ଗଞ୍ଜାମ,ଗାଡି ଧକ୍କାରେ ୨ ମୃତ, ଜଣେ ଗୁରୁତର । ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ପୋଡାମାରି ମୁଖ୍ୟ ରାସ୍ତାରେ ଘଟିଛି ଦୁର୍ଘଟଣା । ଏମାନେ ଭୁବନେଶ୍ୱର ଯିବା ପାଇଁ ବସକୁ ଅପେକ୍ଷା କରିଥିବା ବେଳେ ରାତି ପ୍ରାୟ ସାଢେ ୧୧ଟା ବେଳେ ଏମାନଙ୍କ ଉପରେ ଏକ ଟାଟା ସୁମୋ ମାଡିଯାଇଥିଲା । ମୃତକ ହେଲେ ସୀମାଞ୍ଚଳ ପ୍ରଧାନ ଓ ଓନିରୁ ମହାନ୍ତି । ଆହତ ଜଣକ ହେଲେ ଅମିର ନାୟକ । ମୃତଦେହ ଜବତ କରି ବ୍ୟବଚ୍ଛେଦ ପାଇଁ ମେଡିକାଲ ପଠାଯାଇଥିବା ବେଳେ ବ୍ରହ୍ମପୁର ମେଡିକାଲରେ ଚାଲିଛି ଆହତଙ୍କ ଚିକିତ୍ସା । ପାଟପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି । ଦୁର୍ଘଟଣା ଘଟାଇଥିବା ଗାଡିକୁ ଜବତ କରାଯାଇଥିବା ବେଳେ ଡ୍ରାଇଭରକୁ ଗିରଫ କରାଯାଇଛି ।
