ଭୁବନେଶ୍ୱର– ଅଧାରେ ରହିଲା ଜଗା ଦର୍ଶନ । ପୁରୀ ଯିବା ବେଳେ 16 ନମ୍ବର ଜାତୀୟ ରାଜପଥରେ ଦୁର୍ଘଟଣା ଘଟି 2ଜଣଙ୍କର ମୃତ୍ୟୁ ହୋଇଥିବା ବେଳେ 5ଜଣ ଗୁରୁତର ଆହତ ହୋଇଛନ୍ତି ।
ଘଟଣାରୁ ଜଣାପଡିଛି ଯେ, କାର୍ତ୍ତିକ ମାସରେ ଜଗା ଦର୍ଶନ ପାଇଁ ଏହି ପରିବାର ପୁରୀ ବାହାରିଥିଲେ । ତେବେ
୧୬ ନମ୍ବର ଜାତୀୟ ରାଜପଥ ଯାଜପୁର ଶର୍ମା ପେଟ୍ରୋଲ ପମ୍ପ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିଲା । ଅଟୋକୁ ଧକ୍କା ଦେଇଥିଲା ଏକ ଅଜଣା ଗାଡ଼ି । ଫଳରେ ଘଟଣାସ୍ଥଳରେ 2ଜଣଙ୍କର ମୃତ୍ୟୁ ହୋଇଥିବା ବେଳେ 5ଜଣ ଗୁରୁତର ହୋଇପଡିଛନ୍ତି । ମୃତ ହେଉଛନ୍ତି 11 ବର୍ଷୀୟ ନାବାଳକ ଶିବାନନ୍ଦ ମହାପାତ୍ର ଓ 20 ବର୍ଷୀୟା ପୂଜା ସାହୁ । ସମସ୍ତ ମୃତାହତ ଭଦ୍ରକ ଜିଲ୍ଲା ସାହାପଡା ଅଞ୍ଚଳ ପାଟଣା ସାହିର ବୋଲି ଜଣାପଡ଼ିଛି । ସମସ୍ତ ଗୁରୁତର ଆହତଙ୍କୁ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେଥିମଧ୍ୟରୁ ଦୁଇ ଜଣଙ୍କୁ କଟକ ସ୍ଥାନାନ୍ତରିତ କରାଯାଇଛି ।
