କୋଲକାତା– ପଶ୍ଚିମବଙ୍ଗର ହାୱଡା ଜିଲ୍ଲାରେ ଏକ ଝୋଟ ମିଲ୍ ରେ ସୋମବାର ସକାଳେ ନିଆଁ ଲାଗିଛି । ପୋଲିସ ସୂତ୍ରରୁ ପ୍ରାପ୍ତ ସୂଚନା ଅନୁସାରେ, ଭୋର୍ ପ୍ରାୟ ୪ଟା ୫୦ ମିନିଟ୍ ସମୟରେ ମିଲ୍ ରେ ନିଆଁ ଲାଗିଥିବା ନେଇ ଖବର ମିଳିଥିଲା । ଏହାପରେ ତୁରନ୍ତ ଦୁଇଟି ଦମକଳ ଗାଡିକୁ ଘଟଣାସ୍ଥଳକୁ ପଠାଯାଇଥିଲା । ଫୋରଶୋର ମାର୍ଗ ସ୍ଥିତ ଏହି ମିଲ୍ ଭିତରେ କେହି ଫଶି ରହିଥିବା କିମ୍ବା ଅଗ୍ନିକାଣ୍ଡରେ ମୃତାହତ ନେଇ କୌଣସି ସୂଚନା ନାହିଁ । ଅଗ୍ନିଶମ ବାହିନୀ ନିଆଁକୁ ଆୟତ କରିଛି ।
ଛଠ ପର୍ବର ଜୁଲୁସ ରେ ସାମିଲ୍ ହୋଇଥିବା ଝୋଟ ମିଲ୍ ର ସୁରକ୍ଷା କର୍ମୀ ଏବଂ ସ୍ଥାନୀୟ ଲୋକମାନେ ମାନେ ନିଆଁ ଲାଗିଥିବା ଦେଖି ତୁରନ୍ତ ଶିବପୁର ଥାନାକୁ ଖବର ଦେଇଥିଲେ । ମିଲ୍ ରେ ସର୍ଟ ସର୍କିଟ୍ କାରଣରୁ ନିଆଁ ଲାଗିଥିବା ଅନୁମାନ କରାଯାଉଛି । ଅଗ୍ନିଶମ ବିଭାଗ ଓ ପୋଲିସ ଘଟଣାର ତଦନ୍ତ କରୁଛି ।
