ଜୟପୁର, ଜୟପୁରରେ ବ୍ଲକସ୍ତରୀୟ ପରବ ଅନୁଷ୍ଠିତ ହୋଇଯାଇଛି । ଝାଙ୍କଡ ଦେଇ ମନ୍ଦିରରେ ପୂଜା ପାଠ କରାଯାଇ ମଶାଲ ଶୋଭାଯାତ୍ରା ବାହାରିଥିଲା । ଜୟପୁର ବିଧାୟକ ତାରା ପ୍ରସାଦ ବାହିନିପତି ମୁଖ୍ୟ ଅତିଥି ଭାବେ ଯୋଗ ଦେଇ ମଶାଲ ଶୋଭାଯାତ୍ରାରେ ସାମିଲ ହୋଇଥିଲେ । ସେଠାରୁ ମଶାଲ ଶୋଭାଯାତ୍ରା ବାହାରି ପାରାବେଢା ଦେଇ ଜୟପୁର ଦଶହରା ପଡିଆ ଠାରେ ପହଞ୍ଚିଥିଲା । ସେଠାରେ ବ୍ଲକସ୍ତରୀୟ ପରବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଉଦଘାଟନୀ କାର୍ଯ୍ୟକ୍ରମରେ ଜିଲା ପରିଷଦ ଉପାଧ୍ୟକ୍ଷ ରାଧା ବିନୋଦ ସାମନ୍ତରାୟ, ବିଡିଓ ଶକ୍ତି ମହାପାତ୍ର, ବ୍ଲକ ଅଧ୍ୟକ୍ଷା ତିଳୋତ୍ତମା ମୁଦୁଲି, ଏବିଡିଓ ମନୋଜ ନାୟକ, ସହକାରି ନିବାହୀ ଯନ୍ତ୍ରୀ ବିଶ୍ୱ ନାଥ ପାତ୍ର ,ବ୍ଲକ ସମାଜିକ ସୁରକ୍ଷା ଅଧିକାରି କେ.ଏସ ନିଶା, ସହକାରୀ ଯନ୍ତ୍ରୀ ରଞ୍ଜିତା ରାଣି ପଣ୍ଡା, ଜିପିଓ ପ୍ରଶାନ୍ତ ମିଶ୍ର,ଏପିଓ ମାନସ କର, ବିଇଓ ଚନ୍ଦନ ନାୟକ ସହ ବ୍ଲକ ସ୍ତରୀୟ ଅଧିକାରୀ ,ଜିଲା ପରିଷଦ ସଭ୍ୟା, ସରପଞ୍ଚ, ସମିତି ସଭ୍ୟା ପ୍ରମୁଖ ଉପସ୍ଥିତ ଥିଲେ । ମଞ୍ଚ ନିକଟରେ ମଶାଲ ସ୍ଥାପନ କରାଯାଇଥିଲା ।
ସେଠାରେ ଏକ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା । ପୂର୍ବରୁ ଅନୁଷ୍ଠିତ ହୋଇଥିବା ଫୁଟବଲ, ଭଲିବଲ ଟୁର୍ଣ୍ଣାମେଣ୍ଟ କବାଡି ପ୍ରତିଯୋଗିତା ସହ ଅନ୍ୟ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । ବିଭିନ୍ନ ବିଭାଗ ତରଫରୁ ୧୦ଟି ସଚେତନତା ଷ୍ଟଲ କରାଯାଇଥିଲା । ସମସ୍ତ ଷ୍ଟଲକୁ ବିଧାୟକ ବାହିନୀପତି ବୁଲି ଦେଖିବା ସହ ଉଦଘାଟନ କରିଥିଲେ ।
