ଜୟପୁର, ଦେଶୀ ମଦ ଚାଲାଣ ବେଳେ ଚଢାଉ । ଜୟପୁର ଅବକାରୀ ବିଭାଗ ଶୁକ୍ରବାର ଚଢାଉ ବିପୁଳ ପରିମାଣର ଦେଶୀ ମଦ ଜବତ କରିବା ସହ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଲା ନିଳାଗୁଡାର ଲକ୍ଷ୍ମଣ ନାୟକ । ଅବକାରୀ ବିଭାଗ ସୂଚନା ଅନୁଯାୟୀ ଦେଶୀ ମଦ ଚାଲାଣ ହେଉଥିବା ନେଇ ଖବର ମିଳିବା ପରେ ନିଳାଗୁଡା ଗାଁ ରାସ୍ତାରେ ଚଢାଉ କରାଯାଇଥିଲା । ଏହି ସମୟରେ ଜଣେ ଅଭିଯୁକ୍ତକୁ ଗିରଫ କରିଥିଲା ପୋଲିସ। ଗିରଫ ଅଭିଯୁକ୍ତ ଠାରୁ ୨୨ ଲିଟର ଦେଶୀ ମଦ ଜବତ କରାଯାଇଥିବା ବେଳେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
