ଭୁବନେଶ୍ୱର– ସଫେଇ କର୍ମଚାରୀଙ୍କୁ କର୍ପୋରେଟରଙ୍କ ସ୍ୱାମୀଙ୍କ ଦୁର୍ବ୍ୟବହାର ଅଭିଯୋଗ ହୋଇଛି । ଏନେଇ ସଫେଇ ମଜଦୁର ସଂଘ ପକ୍ଷରୁ ଭୁବନେଶ୍ୱର ୬୩ ନମ୍ବର ୱାର୍ଡ଼ କର୍ପୋରେଟରଙ୍କ ସ୍ୱାମୀ ଲିଙ୍ଗା ଛୋଟରାୟଙ୍କ ବିରୋଧରେ ଖଣ୍ଡଗିରି ଥାନାରେ ଏତଲା ଦିଆଯାଇଛି । ଅନ୍ୟପକ୍ଷରେ ତୁରନ୍ତ ଅଭିଯୁକ୍ତ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରି ୨୫୦ରୁ ଅଧିକ ସଫେଇ କର୍ମଚାରୀ ଥାନା ଘେରାଉ କରିଛନ୍ତି ।
ସଫେଇ କର୍ମଚାରୀଙ୍କୁ ଜାତିଆଣ ଆକ୍ଷେପ କରିବା ସହ ଗାଳିଗୁଳଜ କରିଥିବା ନେଇ ଅଭିଯୋଗ ହୋଇଛି । ଲିଙ୍ଗା ଛୋଟରାୟ ନିଜକୁ କର୍ପୋରେଟର କହି ମନଇଚ୍ଛା ଲୋକଙ୍କୁ ଛଟେଇ କରିଥିଲେ ।ଏହାର ପ୍ରତିବାଦ କରିବାରୁ ମଜଦୁର ସଂଘର ସାଧାରଣ ସମ୍ପାଦକ କେଦାରପଲ୍ଲୀର ସହଦେବ ନାୟକଙ୍କୁ ଲିଙ୍ଗା ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି ।
