ଗାଜିଆବାଦ-ମୁରାଦନଗର ସ୍ଥିତ ଜଗଦୀଶ କମ୍ପ୍ଳେକ୍ସ ଶହଜାଦପୁର ରୋଡ ଉପରେ ଥିବା ଏକ ଲୁଗା ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ ହୋଇଛି । ନିଆଁ ଯୋଗୁ ଲକ୍ଷାଧିକ ଟଙ୍କାର ସାମଗ୍ରୀ ପୋଡି ଭସ୍ମୀଭୂତ ହୋଇଯାଇଛି । ସୂଚନା ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଅଗ୍ନିଶମ ବିଭାର ମୁଖ୍ୟ ଅଧିକାରୀଙ୍କ ସୂଚନା ମୁତାବକ, ମୋଦିନଗରରେ ସକାଳ ପ୍ରାୟ 7.26ମିନିଟରେ ନିଆଁ ଲାଗିଥିବାର ସୂଚନା ମିଳିଥିଲା । ଖବର ପାଇବା ମାତ୍ରେ ହିଁ ଅଗ୍ନିଶମ ସେକେଣ୍ଡ ଅଧିକାରୀଙ୍କ ସମେତ 2ଟି ଫାୟାର ଟ୍ୟାଙ୍କର ଘଟଣାସ୍ଥଳକୁ ପଠାଯାଇଥିଲା । ଘଟଣାସ୍ଥଳ ପୂରା ଧୂଆଁମୟ ହୋଇଯାଇଥିଲା । ତେବେ ଅଗ୍ନିଶମ ବାହିନୀଙ୍କ ଉଦ୍ୟମ କ୍ରମେ ନିଆଁକୁ ଆୟତ୍ତ କରାଯାଇଛି । ନିଆଁ ଯୋଗୁ ଲକ୍ଷାଧିକ ଟଙ୍କାର ସାମଗ୍ରୀ ପୋଡି ଭସ୍ମୀଭୂତ ହୋଇଯାଇଛି । ତେବେ କେହି ମୃତାହତ ହୋଇନାହାନ୍ତି ।
