ଚଣ୍ଡୀଗଡ଼- ପଞ୍ଜାବ ପୋଲିସ ଏବଂ ବିଏସଏଫ ଗୁରୁବାର ସୀମାବର୍ତୀ ଅଂଚଳରେ ସର୍ଚ୍ଚ ଅପରେସନ ଚଳାଇ ଲଗାତାର ତୃତୀୟ ଦିନ ଏକ ପାକିସ୍ତାନୀ ଡ୍ରୋନ୍ ଜବତ କରିଛି ।
ବିଏସଏଫ ମୁଖପାତ୍ରଙ୍କ ସୂଚନା ଅନୁସାରେ, ପଞ୍ଜାବ ପୋଲିସ ସହିତ ମିଶି ତରନତାରନ ଜିଲ୍ଲାର କଲାଶ ହବେଲିୟାଂ ଗ୍ରାମରେ ସର୍ଚ୍ଚ ଅପରେସନ କରାଯାଇଥିଲା । ଏଠାରୁ ଏକ ଡିଜେଆଇ ମାବିକ-ଥ୍ରୀ କ୍ଲାସିକ ଡ୍ରୋନ୍ ଜବତ କରାଯାଇଛି । ଗତ କିଛି ଦିନ ଧରି ଭାରତୀୟ ସେନା ସୀମାବର୍ତି ଅଂଚଳରୁ ଚୀନ୍ ନିର୍ମିତ ଡ୍ରୋନ୍ ଜବତ କରୁଛି ବିଏସଏଫ । ଏହି ଡ୍ରୋନ୍ ର ଯାଂଚ୍ ପାଇଁ ବିଏସଏଫ ପକ୍ଷରୁ ଏହାକୁ ଏଫଏସଏଲକୁ ହସ୍ତାନ୍ତର କରାଯାଇଛି ।
