ବଲାଙ୍ଗିର ବଲାଙ୍ଗିର ରେ ସର୍ବପୁରାତନ ମୁଖ୍ୟ ହସ୍ପିଟାଲ ନିକଟରେ ଥିବା ରାଧା କୃଷ୍ଣ ମନ୍ଦିର ରେ ଗତକାଲି ଗିରି ଗୋବର୍ଦ୍ଧନ ପୂଜା ଅନୁଷ୍ଠିତ ହୋଇଥିବା ବେଳେ ଅନ୍ନକୁଟ ର ବ୍ୟବସ୍ତା ହୋଇଥିଲା। ଦିନ ଗୋଟାଏ ବେଳେ ମନ୍ଦିର ପୂଜକ ଗୋକୁଳାନନ୍ଦ ମିଶ୍ର ପୂଜା ଅର୍ଚ୍ଚନା କରିଥିବା ବେଳେ ଗୋବର୍ଦ୍ଧନ ପୂଜା ପରେ ଭକ୍ତ ମାନଙ୍କୁ ଅନ୍ନ ପ୍ରସାଦ ବିତରଣ କରାଯାଇଥିଲା। ସେପରି ଦୈବିକ ବଜାର ସ୍ଥିତ ରାମ ଚରିତ ମାନସ ମନ୍ଦିର ରେ ଗୋବର୍ଦ୍ଧନ ପୂଜା ଉପଲକ୍ଷେ ଦିନ ୧.୩୦ ରୁ ପୂଜା ଅର୍ଚ୍ଚନା ପରେ ଅନ୍ନକୁଟ ର ବ୍ୟବସ୍ତା ହୋଇଥିଲା। ମନ୍ଦିର ପରିଚାଳନା କମିଟି ସଭାପତି ସନ୍ତୋଷ ମୋଦୀ ଅନ୍ୟ ସଦସ୍ୟ ଓ ସହଯୋଗୀ ମାନଙ୍କୁ ନେଇ ସମସ୍ତ ବ୍ୟବସ୍ତା ବୁଝାସୁଝା କରିଥିଲେ। ଭକ୍ତ ମାନେ ଉପସ୍ଥିତ ରହି ପୂଜା ଅର୍ଚ୍ଚନା ରେ ଭାଗ ନେବା ସହିତ ମନ୍ଦିର ପାଣ୍ଠି କୁ ଅର୍ପଣ ସହିତ ଅନ୍ନ ପ୍ରସାଦ ଗ୍ରହଣ କରିଥିଲେ।
ବଲାଙ୍ଗିର ସୁବର୍ଣ୍ଣପୁର ରାସ୍ତାରେ ଥିବା ରାଜା ଅମଳ ର ଗିରି ଗୋବର୍ଦ୍ଧନ ମନ୍ଦିର ରେ ତିନିଦିନ ବ୍ୟାପୀ ଗିରି ଗୋବର୍ଦ୍ଧନ ଯାତ୍ରା ଅନୁଷ୍ଠିତ ହୋଇଛି ଦୀପାବଳୀ ପରଦିନ ଠାରୁ ୩ ଦିନ ବ୍ୟାପୀ ଗୋବର୍ଦ୍ଧନ ପୂଜା ସହିତ ନାମ ସଙ୍କୀର୍ତ୍ତନ, କଂସ ଦରବାର, ଅନ୍ୟ ମନୋରଜନ ବ୍ୟବସ୍ଥା ଯୋଗୁଁ ସହର ବାହାର ରେ ଥିବା ଏହି ଯାତ୍ରା ଦେଖିବା ସହିତ ଶ୍ରଦ୍ଧାଳୁ ମାନେ ପରିବାର ସହିତ ଯାଇ ପାହାଡ ଉପରେ ଥିବା ରାଧାକୃଷ୍ଣ ଯୁଗଳ ମୂର୍ତ୍ତି ଙ୍କ ଠାରେ ପୂଜା ଅର୍ଚ୍ଚନା କରୁଥିବା ଦେଖା ଯାଉଚି। ଏଠାରେ ଅନ୍ନକୁଟ ର ବ୍ୟବସ୍ତା ରେ ଶ୍ରଦ୍ଧାଳୁ ପ୍ରସାଦ ଗ୍ରହଣ କରିଥିଲେ।
