ବଲାଙ୍ଗିର ,ବଲାଙ୍ଗିର ଜିଲ୍ଲାରେ ଆଗାମୀ ନଭେମ୍ବର 18 ତାରିଖ ରେ ଦିଆଯାଇଥିବା ବନ୍ଦ ପାଳନ କୁ ଦିନକୁ ଦିନ ବିଭିନ୍ନ ସ୍ତରରେ ସମର୍ଥନ ବୃଦ୍ଧି ପାଉଥିବା ଦେଖା ଯାଉଚି I କୋଶଳ ବାଦୀ ସଂଗଠନ ଗୁଡିକ ଏଦିଗରେ ଆହ୍ଵାନ ଦେଇଥିବା ବେଳେ ନିକଟରେ ପ୍ରମୋଦ ମିଶ୍ର ସାମ୍ବାଦିକ ସମ୍ମିଳନୀରେ ସବୁ ବର୍ଗର ଲୋକଙ୍କୁ ମିଶିବା ପାଇଁ କହିଥିଲେ I ଯୁକ୍ତି ସଙ୍ଗତ ଭବରେ ବିଭିନ୍ନ ଉଦାହରଣ ଓ ନଜିର୍ ଦେଇ ଆମେ କାହିଁକି ଏହି ଆନ୍ଦୋଳନ କରୁଛୁ ସେ କହିଥିଲେ I ଏହି ବନ୍ଦ କୁ ନିଜର ସମର୍ଥନ ଜଣାଇ ବଲାଙ୍ଗିର ବିଧାୟକ ନରସିଂହ ମିଶ୍ର ଘୋଷାଣ କରିଛନ୍ତି l ଉପକୁଳ ଅଂଚଳରୁ ଆସି ଏଠାରେ ଅପେରା କରୁଥିବା ଦଳ ଗୁଡିକ ରେ ଅନେକ ସ୍ଥାନରେ ଅପଦସ୍ତ ହେବାକୁ ପଡୁଚି I ଯାତ୍ରା ମଝିରେ ଦଳ ଦଳ ହୋଇ ଜୟ କୋଶଳ ନାରା ଦେଇ ଯୁବ ଗୋଷ୍ଠୀ ମଂଚ ଉପରକୁ ଧସେଇ ପଶୁଛନ୍ତି I ଗ୍ରାମାଞ୍ଚଳରେ ଯୁବ ଗୋଷ୍ଠୀ ନିଜ ସାମର୍ଥ୍ୟ ମତେ ଆଗଭର ହୋଇ ବାହାରୁଛନ୍ତି I ଗ୍ରାମ କୁ ଗ୍ରାମ ଯୁବ ସମାଜ ଭିତରେ ଏତେ ଉତ୍ସାହିତ ହେବାର କାରଣ ଯେ ଆଜିକାଲିର ମୋବାଇଲ ଯୁଗରେ ସାମାଜିକ ଗଣମାଧ୍ୟମ ମୁଖ୍ୟ ଭୂମିକା ନେଇଚି I ୱାର୍ଡଅଫ ଟୁଇଟର ଫେସବୁକ ଆହୁରି କାହାକୁ ଅଜଣା ନାହିଁ ସବୁ ଯୁବ ଗୋଷ୍ଠୀ ପାଖରେ ଏହା ପହଂଚି ଯାଇଚି I ଆଗଲପୁର ବ୍ଲକ ବଡ଼ଟିକା ଗ୍ରା.ପ. ରେ କୋଶଳ ଆନ୍ଦୋଳନ ପାଇଁ ସଜବାଜ ଆରମ୍ଭ ହୋଇଯାଇଚି I ଯୁବ ଗୋଷ୍ଠୀ ରଙ୍ଗ ତୁଳୀ ନେଇ ବିଭିନ୍ନ ସ୍ଲୋଗାନ ଲେଖା ଲେଖି ରେ ବ୍ୟସ୍ତ ଥିବା ବେଳେ ଘରକୁ ଘର ଜନମତ ଜୁଟାଇବାରେ ଲାଗିପତି ଥିବା ଦେଖାଯାଏ I
