ଚଣ୍ଡୀଗଡ଼– ବିଏସଏଫ ଓ ପଞ୍ଜାବ ପୋଲିସର ମିଳିତ ଅଭିଯାନ ସମୟରେ ଫିରୋଜପୁର ସେକ୍ଟରରୁ ଏକ ପାକିସ୍ତାନୀ ଡ୍ରୋନ୍ ଜବତ କରିଛି ।
ବିଏସଏଫ ମୁଖପାତ୍ରଙ୍କ ସୂଚନା ଅନୁସାରେ, ଫିରୋଜପୁର ବର୍ଡ଼ର ରେଞ୍ଜ ଅନ୍ତର୍ଗତ ଟିଣ୍ଡିବାଲା ଗ୍ରାମ ନିକଟରେ ଗତକାଲି ରାତିରେ ପାକିସ୍ତାନରୁ ଭାରତ ଆଡକୁ ଆସୁଥିବା ଏକ ସନ୍ଦିଗ୍ଧ ଡ୍ରୋନ୍ କୁ ଦେଖିଥିଲା ବିଏସଏଫ । ଏହାପରେ ତୁରନ୍ତ କାର୍ଯ୍ୟାନୁଷ୍ଠାନ ସ୍ୱରୂପ ଏହାକୁ ଆକାଶ ମାର୍ଗରୁ ତଳକୁ ଖସାଇ ଦିଆଯାଇଥିଲା । ପରେ ବିଏସଏଫ ଯବାନ ମାନେ ସମ୍ପୃକ୍ତ ଅଂଚଳରେ ତଲାସୀ ଅଭିଯାନ ଚଳାଇଥିଲେ । ଏବଂ ଏକ କ୍ଷେତରୁ ଏହି ଡ୍ରୋନ୍ କୁ ଜବତ କରିଥିଲେ । ଜବତ ହୋଇଥିବା ଡ୍ରୋନ୍ ଏକ କ୍ୱାର୍ଡକାପ୍ଟର ଡିଜେଆଇ ମାବିକ ୩ କ୍ଲାସିକ ଚୀନ୍ ନିର୍ମିତ ଅଟେ । ପାକିସ୍ତାନ ପକ୍ଷରୁ ତସ୍କର ମାନେ ଏହାର ପ୍ରୟୋଗ କରି ଭାରତୀୟ ସୀମାକୁ ନିଶା ଦ୍ରବ୍ୟ ଓ ଅସ୍ତ୍ରଶସ୍ତ୍ର ପଠାଉଥିବା ଅନୁମାନ କରାଯାଉଛି ।
