ମୋଦିଙ୍କ ପ୍ରତିଶ୍ରୁତି ଆଗରେ ସେମାନଙ୍କର ମିଛ ପ୍ରତିଶ୍ରୁତି ଚାଲିବ ନାହିଁ ବୋଲି ଗ୍ରହଣ କରିଛି କଂଗ୍ରେସ- ପିଏମ ମୋଦି

ନୂଆଦିଲ୍ଲୀ-ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, କଂଗ୍ରେସ ସ୍ୱୀକାର କରିନେଇଛି ଯେ, ମୋଦିଙ୍କ ଗ୍ୟାରେଣ୍ଟି ଆଗରେ ସେମାନଙ୍କର ମିଛ ପ୍ରତିଶ୍ରୁତି ଚାଲିବ ନାହିଁ । ସେ କହିଛନ୍ତି ଯେ, ମଧ୍ୟପ୍ରଦେଶର ଲୋକଙ୍କ ମଧ୍ୟରେ ବିଜେପି ପ୍ରତି ଅଦ୍ଭୁତପୂର୍ବ ବିଶ୍ୱାସ ଓ ସ୍ନେହ ରହିଛି ।ପ୍ରଧାନମନ୍ତ୍ରୀ ମଧ୍ୟପ୍ରଦେଶର ବୈତୁଲରେ ବିଜେପିର ବିଜୟ ସଂକଳ୍ପ ମହାରାଲିକୁ ସମ୍ବୋଧିତ କରିଛନ୍ତି । ଏହି ଅବସରରେ ସେ କହିଛନ୍ତି ଯେ, ‘ଗତକିଛି ଦିନ ହେବ ମୁଁ ରାଜ୍ୟର କୋଣ ଅନୁକୋଣ ଯାତ୍ରା କରିଛି । ଲୋକଙ୍କର ବିଜେପି ପ୍ରତି ସ୍ନେହ ଓ ବିଶ୍ୱାସ ଅଦ୍ଭୁତପୂର୍ବ ରହିଛି ।ଆପଣଙ୍କ ଏହି ଉତ୍ସାହ, ଏହି ଇଚ୍ଛାଶକ୍ତି ମଧ୍ୟପ୍ରଦେଶରେ ପୁଣି ଥରେ ବିଜେପି ସରକାର ନିଶ୍ଚିତ କରିଛି । ନଭେମ୍ବର 17ରେ ମଧ୍ୟପ୍ରଦେଶର ଲୋକେ ଇତିହାସ ରଚିବାକୁ ଘରୁ ବାହାରିବେ’ ।