ଭୁବନେଶ୍ୱର, କଂଗ୍ରେସ କରିବ ତୁଳସୀ ଯାତ୍ରା । ନଭେମ୍ବର ମାସ ଶେଷ ବେଳକୁ ତୁଳସୀ ଯାତ୍ରା ହେବ ବୋଲି ପିସିସି ସଭାପତି ଶରତ ପଟ୍ଟନାୟକ ସୂଚନା ଦେଇଛନ୍ତି । ସେ କହିଛନ୍ତି କଂଗ୍ରେସ ଭବନକୁ ଗାଁ, ପଂଚାୟତ, ବ୍ଲକ୍ ଓ ଜିଲ୍ଲାରୁ ତୁଳସୀ ଆସିବ । ଜନ ସାଧାରଣ ଚାହିଁଲେ ସଜ ତୁଳସୀ ପଠାଇ ପାରିବେ । କଂଗ୍ରେସ କର୍ମୀ ମଧ୍ୟ ତୁଳସୀ ସଂଗ୍ରହ କରିବେ । ପୋଷ୍ଟ ଜରିଆରେ ମଧ୍ୟ କଂଗ୍ରେସ ଭବନ ଠିକଣାରେ ତୁଳସୀ ପଠାଇ ପାରିବେ । ତୁଳସୀ ସଂଗ୍ରହ ପରେ ଭୁବନେଶ୍ୱର ରୁ ନେତା କର୍ମୀମାନେ ରାଜଧାନୀରୁ ଶ୍ରୀକ୍ଷେତ୍ର ଯାତ୍ରା କରିବେ । ସରକାର ରତ୍ନ ଭଣ୍ଡାର ଗଣତି, ମଣତି ଓ ମରାମତି, ମନ୍ଦିର ଚାରି ଦୁଆର ନ ଖୋଲିବା ଓ ବେଦାନ୍ତ ଜମି ହସ୍ତାନ୍ତର ନ କରିବା କାରଣରୁ ଏକ ବୈଠକରେ କଂଗ୍ରେସ ଏଭଳି ନିଷ୍ପତି ନେଇଛି ବୋଲି ସେ କହିଛନ୍ତି ।
ସୂଚନାଯୋଗ୍ୟ ଯେ ଏହି ସମାନ ଦାବି ନେଇ କଂଗ୍ରେସ ଗତକାଲି ସାରା ରାଜ୍ୟରେ ସଂକୀର୍ତନ ସତ୍ୟାଗ୍ରହ କରିଥିଲା ।
