ବଲାଙ୍ଗିର, ବଲାଙ୍ଗିର ଆୟୁର୍ବେଦିକ ମେଡିକାଲ କଲେଜ ଅଧ୍ୟକ୍ଷ ସୁଦର୍ଶନ ବେହେରାଙ୍କ କାର୍ଯ୍ୟାଳୟରେ ଭିଜିଲାନ୍ସ ବିଭାଗ ପକ୍ଷରୁ ଚଢଉ ଜାରି ରହିଛି। ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚଢ଼ଉ କରୁଛି ଦୁର୍ନୀତି ନିବାରଣ ବିଭାଗ। ଡିଏସପିଙ୍କ ନେତୃତ୍ଵରେ ଭୁବନେଶ୍ବରରୁ ଆସିଥିବା ୬ ଜଣିଆ ଟିମ୍ ଏଠାରେ ଯାଞ୍ଚ କରୁଛନ୍ତି।
ଗତ ନଭେମ୍ବର ୧ ତାରିଖରେ ସୁଦର୍ଶନ ବଲାଙ୍ଗୀର ଆୟୁର୍ବେଦିକ କଲେଜରେ ଆସି ଯୋଗ ଦେଇଥିଲେ। ମାତ୍ର ଗୋଟିଏ ଦିନ କାମ କରିବା ପରେ ସେ ଛୁଟି ନେଇ ନିଜ ପୈତୃକ ବାସଭବନକୁ ଚାଲିଯାଇଥିବା ସୂଚନା ମିଳିଛି। ଏମିତିକି କିଛି ଦିନ ତଳେ ତାଙ୍କ କେଳେଙ୍କାରି ଜଣାପଡ଼ିବା ପରେ ତାଙ୍କୁ ଏଠାକୁ ବଦଳି କରାଯାଇଥିବା ନେଇ ସୂଚନା ମିଳିଛି। ଆଜି ବଲାଙ୍ଗିର, ପୁରୀ ଓ ଭୁବନେଶ୍ବରରେ ଏକକାଳୀନ ଚଢଉ ଜାରି ରହିଛି। ଏପର୍ଯ୍ୟନ୍ତ ବିଭାଗ ପକ୍ଷରୁ କୌଣସି ସୂଚନା ଦିଆଯାଇ ନାହିଁ।
