ଚଣ୍ଡିଗଡ, ପଞ୍ଜାବର ଉଦ୍ୟୋଗିକ ସହର ଲୁଧିଆନାର ହରବଂଶପୁରା ଅଞ୍ଚଳରେ ଶନିବାର ବିଳମ୍ବିତ ରାତିରେ ଏକ ଫ୍ୟାକ୍ଟ୍ରିରେ ଭୟାବହ ଅଗ୍ନିକାଣ୍ଡ ହୋଇଛି । ନିଆଁ ଲାଗିବା ଯୋଗୁ ଜଣଙ୍କର ମୃତ୍ୟୁ ହୋଇଥିବା ବେଳେ 2ଜଣ ଗୁରୁତର ଆହତ ହୋଇଛନ୍ତି ।
ମୋହଲଲାଲ ଧୀରୀଙ୍କ ଘରର ଗ୍ରାଉଣ୍ଡ ଫ୍ଲୋରରେ ଏହି ଫ୍ୟାକ୍ଟ୍ରି ଚାଲୁଥିଲା । ସଟସର୍କିଟ ଯୋଗୁ ନିଆଁ ଲାଗିଥିବା ଜଣାପଡିଛି । ତେବେ ଖବର ପାଇ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି ।
