ଚଣ୍ଡିଗଡ,ପଞ୍ଜାବ ପୋଲିସ ଶନିବାର ରାତି ତରତାରନ ଜିଲ୍ଲାରେ ଭାରତ-ପାକିସ୍ତାନ ସୀମା ନିକଟରେ ପୋଲିସ ଓ ଡ୍ରଗ୍ସ ମାଫିଆ ମୁହାଁମୁହିଁ ହୋଇଛନ୍ତି । ଏହି ଘଟଣାରେ ପୋଲିସ ଦୁଇଜଣ ମାଫିଆଙ୍କୁ ଗିରଫ କରିଛି । ଅଭିଯୁକ୍ତଙ୍କ ନିକଟରୁ ଦୁଇ କିଲୋ ହେରୋଇନ ଜବତ ହୋଇଛି । ପୋଲିସ ଡିଜି ଗୌରବ ଯାଦବ ରବିବାର ସକାଳେ ଏହି ସୂଚନା ଦେଇଛନ୍ତି ।
ପୋଲିସର ସ୍ୱତନ୍ତ୍ର ଅଭିଯାନ ସମୟରେ ମାଫିଆମାନେ ପୋଲିସକୁ ଦେଖି ଗୁଳି ଚଳାଇବା ସହ ପାକିସ୍ତାନ ପଟକୁ ଦୌଡିବାକୁ ଲାଗିଥିଲେ । ଏହା ଦେଖି ପୋଲିସ ମଧ୍ୟ ଗୁଳି ଚଳାଇଥିଲା । ଫାୟାରିଂରେ ଜଣେ ମାଫିଆ ଆହତ ହୋଇ ତଳେ ପଡିଯାଇଥିଲା । ସେହିପରି ଅନ୍ୟଜଣଙ୍କୁ ମଧ୍ୟ ପିଛା କରି ପୋଲିସ ଗିରଫ କରିଛି ।
