ଗଞ୍ଜାମ, ଗଞ୍ଜାମ ଜିଲ୍ଲା ବ୍ରହ୍ମପୁରର ନିମଖଣ୍ଡି ଥାନା ଅନ୍ତର୍ଗତ ଲୋଚାପଡା ଅମୃତନଗରରେ ଥିବା ଏକ ଘରେ ଗଞ୍ଜାମ ପୋଲିସର ଏକ ଟିମ୍ ଚଢ଼ଉ କରିଛି । ଏହି ଘରଟି ବାଲି ବ୍ୟବସାୟୀ କୃପାସିନ୍ଧୁ ମୁଦୁଲିଙ୍କର ବୋଲି ସୂଚନା ମିଳିଛି । କୃପାସିନ୍ଧୁଙ୍କୁ ସାଙ୍ଗରେ ନେଇ ପୋଲିସ ଟିମ୍ ସେଠାରେ ଚଢ଼ଉ କରିଥିଲା ।
ଗତ ୨୧ ତାରିଖରେ ବାଲି ପରିବହନ ଅନୁମତି ପାଇଁ ରହିଥିବା ୱାଇ ଫର୍ମ ଜାଲିଆତି କରିବା ଅଭିଯୋଗରେ କୋଦଳା ଥାନା ପୋଲିସ କୃପାସିନ୍ଧୁଙ୍କ ସମେତ ୩ ଜଣଙ୍କୁ ଗିରଫ କରିଥିଲା । ଏହାପରେ କୃପାସିନ୍ଧୁ ଜେଲ୍ ରେ ଥିଲେ । ତାଙ୍କୁ ପୋଲିସ ରିମାଣ୍ଡରେ ଆଣି ଅଧିକ ଜେରା କରିଛି । ଗତକାଲି ରାତିରେ ପୋଲିସ ର ଏକ ଟିମ୍ କୃପାସିନ୍ଧୁଙ୍କୁ ସାଙ୍ଗରେ ନେଇ ଲୋଚାପଡା ସ୍ଥିତ ତାଙ୍କ ଘରେ ଯାଂଚ୍ କରିଥିବା ସୂଚନା ମିଳିଛି । ତେବେ ସେଠାରୁ କଣ ଜବତ ହୋଇଛି, ସେନେଇ ଏ ପର୍ଯ୍ୟନ୍ତ ପୋଲିସ ପକ୍ଷରୁ କୌଣସି ସୂଚନା ଦିଆଯାଇନାହିଁ ।
