ଧର୍ମଶାଳା, ଯାଜପୁର ଜିଲା ଧର୍ମଶାଳା ନିର୍ବାଚନ ମଣ୍ଡଳୀରେ ବିଧାୟକ ତଥା ରାଜ୍ୟ ବିଜୁ ଜନତା ଦଳର ସାଧାରଣ ସମ୍ପାଦକ(ଯୁବ ବ୍ୟାପାର) ପ୍ରଣବ କୁମାର ବଳବନ୍ତରାୟଙ୍କ ଅନୁମୋଦନ କ୍ରମେ ଯୁବ ବିଜେଡି ସଭାପତି କ୍ଷିତିଶ ନାୟକଙ୍କ ନେତୃତ୍ଵରେ ୫୪ ଗୋଟି ପଂଚାୟତର ୮୧୬ ୱାର୍ଡ ସଭାପତି,୨୫୮ ବୁଥ୍ ସଭାପତି ବିଜୁ ଯୁବ ଜନତା ଦଳ ପକ୍ଷରୁ ନାମ ଘୋଷଣା କରାଯାଇଛି । ଏହି ନାମ ଘୋଷିତ ହେବା ପରେ ସଭାପତି କ୍ଷିତିଶ ନାୟକଙ୍କ ନେତୃତ୍ଵରେ ୱାର୍ଡ ଓ ବୁଥ୍ ର ସମସ୍ତ ସଭାପତିମାନେ ବିଧାୟକ ପ୍ରଣବ କୁମାର ବଳବନ୍ତରାୟଙ୍କୁ ଜାରକାସ୍ଥିତ ବାସଭବନଠାରେ ଭେଟି ପୁଷ୍ପଗୁଚ୍ଛ ଓ ଉପଢୌକନ ଦେଇ ଶୁଭେଚ୍ଛା ଜଣାଇଥିଲେ ।
ପ୍ରାରମ୍ଭରେ ଯୁବ ବିଜେଡିର ଶତାଧିକ କର୍ମକର୍ତାମାନେ ଏକ ବାଇକ ଶୋଭାଯାତ୍ରାରେ କଳ୍ପତରୁ ଦାସ ଷ୍ଟାଡିୟମଠାରୁ ବାହାରି ଜାରକା ବଜାର ପରିକ୍ରମା କରିଥିଲେ । ପଂଚାୟତ ସ୍ତରରେ ତୃଣମୂଳ ସଂଗଠନକୁ କିପରି ଆହୁରୀ ସୁଦୃଢ କରାଯିବ ସେ ନେଇ ବିଧାୟକଙ୍କ ସହ ଆଲୋଚନା କରିଥିଲେ ।
