କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ବିଶ୍ବର ଅନ୍ୟତମ ପ୍ରମୁଖ ସନାତନ ଆଧ୍ୟାତ୍ମିକ କେନ୍ଦ୍ର ମହାପ୍ରଭୁଙ୍କ ଶ୍ରୀ ମନ୍ଦିର । ବିଶ୍ବନିୟନ୍ତା ମହାପ୍ରଭୁ ଶ୍ରୀ ଜଗନ୍ନାଥ ଙ୍କ ଦର୍ଶନ ଅଭିଳାଷରେ ଶ୍ରୀକ୍ଷେତ୍ରକୁ ପ୍ରତିଦିନ ହଜାର ହଜାର ଶ୍ରଦ୍ଧାଳୁ ଙ୍କର ଆଗମନ ହୋଇଥାଏ। ଆମ ଶ୍ରୀମନ୍ଦିର, ଆମ ସଂସ୍କୃତି, ପରମ୍ପରା ଓ ଆତ୍ମବିଶ୍ବାସ ପ୍ରମୁଖ ଉତ୍ସ। ନିକଟ ଅତୀତରେ ଶ୍ରୀ ମନ୍ଦିର ପ୍ରଶାସନ ଅଶାଳୀନ ପୋଷାକ ପରିଧାନ କରି ଶ୍ରୀ ମନ୍ଦିର ପ୍ରବେଶ କରିବା ପାଇଁ ଭକ୍ତମାନଙ୍କୁ ସଚେତନ କରି ବାରଣ କରିବା ପାଇଁ ଐତିହାସିକ ନିଷ୍ପତି ନେଇଛନ୍ତି ।ଶ୍ରୀ ମନ୍ଦିର ମୁଖ୍ୟ ପ୍ରଶାସକଙ୍କ ଦୃଢ ଇଚ୍ଛାଶକ୍ତି, ପରିଚାଳନା ସମିତି ତଥା ନିଯୋଗ ମାନଙ୍କର ଅକୁଣ୍ଠ ସମର୍ଥନ ନିଶ୍ଚିନ୍ତ ଭାବରେ ପ୍ରଶଂସା ଯୋଗ୍ୟ ହୋଇଛି । ଉତ୍କଳ ବିହ୍ବତ୍ ପରିଷଦ ଏହି ନିଷ୍ପତିକୁ ସମ୍ମାନ ଜଣାଇବା ସହିତ ସମ୍ପୃକ୍ତ ପକ୍ଷମାନଙ୍କୁ ସାଧୁବାଦ ଜଣାଇଛି । ଶ୍ରୀ ମନ୍ଦିରକୁ ଏକ ଆଦର୍ଶ ଆଧ୍ୟାତ୍ମିକ କେନ୍ଦ୍ର ରୂପେ ଉଦ୍ଭାସିତ କରିବା ପାଇଁ
ଭବିଷ୍ୟତରେ ଏପରି ଅନେକ ନିଷ୍ପତିର ଆଶା ରଖିଛି ବୋଲି ଉତ୍କଳ ବିହ୍ବତ୍ ପରିଷଦର ଅଧ୍ୟକ୍ଷ ମନୋଜ ରଥ ସାଧୁବାଦ ଜଣାଇଛନ୍ତି ।
