କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ବଡ଼ଶଙ୍ଖ ବଜାର ସ୍ଥିତ ମା ଗଜଲକ୍ଷ୍ମୀ ପୂଜା କମିଟିର ୨୦ତମ ବାର୍ଷିକ ଉତ୍ସବ ବଡ଼ଶଙ୍ଖ ବଜାର ଠାରେ ଅନୁଷ୍ଠିତ ହୋଇଯାଇଛି |ଏଥିରେ ମୁଖ୍ୟ ଅତିଥି ରୂପେ ରାଜ୍ୟ ବିଜୁ ଯୁବ ଜନତା ଦଳର ଉପ ସଭାପତି ଶ୍ରୀଯୁକ୍ତ ସୁନିଲ ମହାନ୍ତି ଯୋଗ ଦେଇଥିଲେ |ସମ୍ମାନିତ ଅତିଥି ମାନଙ୍କ ମଧ୍ୟରେ ସୁରେନ୍ଦ୍ରନାଥ ଦାଶ, ଷ୍ଟାଲିନ ପରିଜା, ସରୋଜ ନାୟକ, ଘନଶ୍ୟାମ ମର୍ଦ୍ଧରାଜ, ହରିହର ପାଢ଼ୀ, ସନ୍ଦୀପ ଦାଶ, ଇଁ ସୁବ୍ରତ ମହାନ୍ତି ଓ ଆଇନଜୀବୀ ଦେବାଶିଷ ଦାଶ ଯୋଗ ଦେଇଥିଲେ। ଏହି ବାର୍ଷିକ ଉତ୍ସବରେ ଏକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା |ଏଥିରେ ଅନେକ ଶିଶୁ କଳାକାର ମାନେ ପାରମ୍ପରିକ ନୃତ୍ୟ ପରିବେଷଣ କରିଥିଲେ ଓ ସେମାନଙ୍କୁ ଅନୁଷ୍ଠାନ ତରଫରୁ ଅତିଥି ମାନେ ପୁରସ୍କାର ବିତରଣ କରିଥିଲେ।
ଏହାକୁ ଅନୁଷ୍ଠାନର ସଭାପତି ଏସ୍ ରାଜୁ ରାଓ, ସମ୍ପାଦକ ନିରଞ୍ଜନ ମଙ୍ଗରାଜ, ଉପ ସମ୍ପାଦକ ବୀରେନ ସାମନ୍ତରାୟ, ଉପ ସଭାପତି ବଳରାମ ସାହୁ, କୋଷାଧ୍ୟକ୍ଷ ମାନସ ସାହୁ ଏବଂ କମିଟିର ସମସ୍ତ ସଦସ୍ୟ ବୃନ୍ଦ ଆୟୋଜନ କରିଥିଲେ। ଏହି କାର୍ଯ୍ୟକ୍ରମର ପରିସମାପ୍ତି ରେ ଅନୁଷ୍ଠାନର ଉପଦେଷ୍ଟା ପ୍ରମୋଦ କୁମାର ଜେନା ଅତିଥି ମାନଙ୍କୁ ଧନ୍ୟବାଦ୍ ଅର୍ପଣ କରିଥିଲେ।
