ମାଲକାନଗିରି, ମାନବିକତା ଦେଖାଇଲେ ବିଏସଏଫ ଯବାନ । ମାଲକାନଗିରିର ଦୁର୍ଗମ ଦିଶାରୀଗୁଡ଼ା ଗାଁର ଗୁରୁତର ମହିଳାଙ୍କୁ ନିଜ ବୋଟରେ ମେଡିକାଲକୁ ପଠାଇଛନ୍ତି ବିଏସଏଫ ଯବାନ । ଚିତ୍ରକୋଣ୍ଡା ସ୍ଵାଭିମାନ ଅଞ୍ଚଳର ଜଣ ମହିଳା ପାରିବାରିକ କଳହରୁ ଗତକାଲି ରାତିରେ ବିଷ ପିଇଦେଇଥିଲେ । ଏନେଇ ମହିଳାଙ୍କ ସ୍ଵାମୀ ନିକଟରେ ଥିବା ବିଏସଏଫ ବାଟାଲିୟନକୁ ଖବର ଦେଇଥିଲେ । ତୁରନ୍ତ ବିଏସଏଫ ପକ୍ଷରୁ ନିଜ ବୋଟ ଓ ଆଉ ଏକ ଏସ୍କର୍ଟ ବୋଟ ଯୋଗେ ଗୁରୁତର ମହିଳା ପାନ ପାଙ୍ଗିଙ୍କୁ ୧୪ କିଲୋମିଟର ଦୂରରେ ଥିବା ଘନବେଡା କ୍ୟାମ୍ପକୁ ଆଣି ସେଠାରୁ ନିଜ ଆମ୍ବୁଲାନ୍ସ ଯୋଗେ ମେଡିକାଲ ନେଇଥିଲେ । ବର୍ତ୍ତମାନ ପାନ ପାଙ୍ଗିଙ୍କ ସ୍ଵାସ୍ଥ୍ୟାବସ୍ଥା ସ୍ଥିର ଥିବା ସୂଚନା ମିଳିଛି । ବିଏସଏଫ ସ୍ଵାଭିମାନ ଅଂଚଳରେ କେବଳ ସୁରକ୍ଷା ନୁହେଁ ଲୋକଙ୍କ ଅସୁବିଧା ବେଳେ କେମିତି କାର୍ଯ୍ୟ କରିଥାଏ ତାହା ପ୍ରମାଣିତ କରିଛି। ଲୋକଙ୍କ ସେବା ପାଇଁ ବିଏସଏଫ ସର୍ବଦା ତତ୍ପର ବୋଲି କହିଛନ୍ତି କମାଣ୍ଡାଣ୍ଟ କମଳ ଖୁଲବେ।
Related Stories
October 17, 2024