ଭୁବନେଶ୍ୱର,ରାଷ୍ଟ୍ରୀୟ ସ୍ୱୟଂସେବକ ସଂଘର ବରିଷ୍ଠ ପ୍ରଚାରକ ରଙ୍ଗା ହରିଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗଭୀର ଶୋକ ପ୍ରକାଶ କରିଛନ୍ତି । ଶ୍ରୀ ପ୍ରଧାନ ସୋସିଆଲ ମିଡିଆ ଏକ୍ସରେ ଲେଖିଛନ୍ତି, ମା ଭାରତୀଙ୍କ ସେବାରେ ନିଜର ସମ୍ପୂର୍ଣ ଜୀବନ ସମର୍ପିତ କରି ଥିବା ରାଷ୍ଟ୍ରୀୟ ସ୍ୱୟଂସେବକ ସଂଘର ବରିଷ୍ଠ ପ୍ରଚାରକ ରଙ୍ଗା ହରିଙ୍କ ବିୟୋଗ ଖବର ଅତ୍ୟନ୍ତ ଦୁଃଖଦ । ରାଷ୍ଟ୍ରର ସାଂସ୍କୃତିକ ଏକରୂପତା ଓ ସଂଘର ବିସ୍ତାରରେ ତାଙ୍କର ଅମୂଲ୍ୟ ଯୋଗଦାନ ସର୍ବଦା ସ୍ମରଣୀୟ ରହିବ । ଶୋକର ଏହି ସମୟରେ ତାଙ୍କର ପରିବାର ଲୋକଙ୍କ ପ୍ରତି ସମବେଦନା ଜ୍ଞାପନ କରୁଛି । ଈଶ୍ୱର ତାଙ୍କୁ ନିଜର ଶ୍ରୀଚରଣରେ ସ୍ଥାନ ଦିଅନ୍ତୁ ।
