ଗଞ୍ଜାମ, ଗଞ୍ଜାମ ଜିଲ୍ଲା ସଦର ଥାନା ଅନ୍ତର୍ଗତ ନାରାୟଣପୁର ଗ୍ରାମରେ ଗତକାଲି ରାତିରେ ଘଟିଯାଇଛି ଏକ ବିଭତ୍ସ ହତ୍ୟାକାଣ୍ଡ । ୪ ଜଣ ବ୍ୟକ୍ତି ଜଣକ ଘରେ ପଶି ଦୁଇ ଜଣ ପୁଅ ଓ ମାଆକୁ ହାଣିବା ଫଳରେ ଜଣେ ପୁଅ ଦୁନିଆ ସାହୁଙ୍କ ମୃତ୍ୟୁ ଘଟିଛି । ଦୁନିଆଙ୍କୁ ଆକ୍ରମଣରୁ ରକ୍ଷା କରିବାକୁ ଉଦ୍ୟମ କରି ମାଆ ପୁନି ସାହୁ ଓ ଭାଇ ଆଲୋକ ସାହୁ ଗୁରୁତର ହୋଇଛନ୍ତି । ଗୁରୁତର ମାଆପୁଅଙ୍କୁ ଚିକିତ୍ସା ନିମନ୍ତେ ବ୍ରହ୍ମପୁର ବଡ ମେଡିକାଲରେ ଭର୍ତି କରାଯାଇଛି । ଦୁନିଆଙ୍କ ନାମରେ ବିଭିନ୍ନ ଥାନାରେ ଲୁଟ୍, ଅପହରଣ, ଡ଼କାୟତି ଓ ରାହାଜାନି ଭଳି ମାମଲା ରହିଛି ।
