ଗଞ୍ଜାମ, ବ୍ରହ୍ମପୁର ବିଜିପୁର ଅଂଚଳରେ ପୋଖରୀରେ ବୁଡି ନାବାଳକ ଏସ. ରୋହିତଙ୍କ ମୃତ୍ୟୁ ଘଟଣାରେ ତାଙ୍କ ମା ଏସ.ଗାଙ୍ଗାମ୍ମାଙ୍କୁ ଗିରଫ କରିଛି ପୋଲିସ । ମୃତ ରୋହିତ ତୃତୀୟ ଶ୍ରେଣୀର ଛାତ୍ର ଥିଲେ । ଗତକାଲି ସେ ଟ୍ୟୁସନ୍ ନଯାଇ ଖେଳୁଥିବାରୁ ମା ତାଙ୍କୁ ଆକଟ କରିଥିଲେ । ଏବଂ ରୋହିତଙ୍କୁ ଧରିବାକୁ ଚେଷ୍ଟା କରିବାରୁ ସେ ବନ୍ଧ ହୁଡାରେ ଦୌଡି ପଳାଇବାକୁ ଚେଷ୍ଟା କରିଥିଲେ । ଏହି ସମୟରେ ହୁଡ଼ାରେ ଲାଗିଥିବା ଜାଲି ପାଖରେ ମା ରୋହିତଙ୍କୁ ଧରିବାରେ ସକ୍ଷମ ହୋଇଥିଲେ । ତଥାପି ସେ ଖସିବାକୁ ଉଦ୍ୟମ କରି ତଳକୁ ଖସି ପୋଖରୀରେ ପଡି ଯାଇଥିଲେ । ରୋହିତ ପୋଖରୀରେ ବୁଡି ଯାଉଥିବା ଦେଖି ଗାଙ୍ଗାମ୍ମା ପାଟିକରି ଆଖପାଖରେ ଥିବା ଲୋକଙ୍କୁ ଡାକିଥିଲେ । ପରେ ଦମକଳ ବାହିନୀ ଆସି ପୋଖରୀରୁ ରୋହିତଙ୍କୁ ଉଦ୍ଧାର କରିଥିଲେ । ତାଙ୍କୁ ତୁରନ୍ତ ବ୍ରହ୍ମପୁର ବଡ ମେଡିକାଲକୁ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ରୋହିତଙ୍କ ବାପାଙ୍କ ଅଭିଯୋଗ କ୍ରମେ ପୋଲିସ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରିବା ସହ ଘଟଣାରେ ଗାଙ୍ଗାମ୍ମାଙ୍କୁ ଗିରଫ କରିଛି ।
