ଗଞ୍ଜାମ, ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ବେଗୁନିଆପଡା ଜଗତିସାହିରେ ଗତକାଲି ରାତିରେ ଦୀପାବଳି ଉପଲକ୍ଷେ ବାଣ ପ୍ରସ୍ତୁତ କରୁଥିବା ଏବଂ ବାଣ ଭିଡୁଥିବା ବେଳେ ହଠାତ୍ ବିସ୍ଫୋରଣ ଘଟି ଜଣକର ମୃତ୍ୟୁ ଘଟିଛି । ମୃତକ ଜଣକ ହେଲେ ଜିତୁ ପ୍ରଧାନ । ଏହି ବାଣ ବିସ୍ଫୋରଣରେ ଅନ୍ୟ ଜଣେ ଗୁରୁତର ଭାବେ ଆହତ ହୋଇଛନ୍ତି । ଗୁରୁତର ଆହତ ରାଜୁଙ୍କୁ ପ୍ରଥମେ କୋଦଳା ଡାକ୍ତରଖାନା ଏବଂ ପରେ ଅଧିକ ଚିକିତ୍ସା ନିମନ୍ତେ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଘଟଣାସ୍ଥଳରେ ବେଗୁନିଆପଡା ପୋଲିସ ପହଂଚି ତଦନ୍ତ ଚଳାଇଛି ।
