କଟକ/ଭୁବନେଶ୍ୱର, କେନ୍ଦ୍ର ସରକାରଙ୍କ ଶିକ୍ଷା ବିଭାଗ ବରିଷ୍ଠ ଶିକ୍ଷାବିତ୍ ଡକ୍ଟର ବିକଳି ଚରଣ ଦାସଙ୍କୁ ରାଷ୍ଟ୍ରୀୟ ଶିକ୍ଷକ ଶିକ୍ଷା ପରିଷଦ (ଏନ୍ସିଟିଇ) ପୂର୍ବାଂଚଳ କମିଟିର ସଦସ୍ୟ ରୂପେ ମନୋନୀତ କରିଛନ୍ତି । ଡକ୍ଟର ଦାସ ରେଭେନ୍ସା ବିଶ୍ୱବିଦ୍ୟାଳୟ ସ୍ନାତକୋତର ଶିକ୍ଷା ବିଭାଗରେ ଆସିଷ୍ଟାଂଟ ପ୍ରଫେସର ଅଛନ୍ତି । ତାଙ୍କ ରଚିତ ୭ଟି ଗବେଷଣାତ୍ମକ ପୁସ୍ତକ ପ୍ରକାଶ ପାଇଛି ଏବଂ ୬୦ରୁ ଊର୍ଦ୍ଧ୍ୱ ନିବନ୍ଧ ବିଭିନ୍ନ ଜାତୀୟ ତଥା ଆନ୍ତର୍ଜାତିକ ଜର୍ଣ୍ଣାଲର ପୃଷ୍ଠାମଣ୍ଡନ କରିଛି । ସେ ଦେବୀ ଅହଲ୍ୟା ବିଶ୍ୱବିଦ୍ୟାଳୟରୁ ଏମ୍.ଏଡ୍. ଓ ଆହ୍ଲାବାଦ ବିଶ୍ୱବିଦ୍ୟାଳୟରୁ ଡି.ଫିଲ୍. ଡିଗ୍ରୀ ହାସଲ କରିଛନ୍ତି ।ଏନ୍ସିଟିଇର ସଦସ୍ୟ ରୂପେ ଡକ୍ଟର ଦାସଙ୍କ ମନୋନୟନକୁ ଶିକ୍ଷାବିତ୍ ମହଲରୁ ସ୍ୱାଗତ କରାଯାଇଛି ।
