ହାଙ୍ଗଝୋ, ପାରା ଏସୀୟ କ୍ରୀଡାରେ ଭାରତୀୟ ଖେଳାଳିଙ୍କ ଦମଦାର ପ୍ରଦର୍ଶନ ଜାରି ରହିଛି । ପାରା ପାୱାର ଲିଫ୍ଟିଙ୍ଗରେ 61 କିଲୋଗ୍ରାମ ଭାର ବର୍ଗ ଇଭେଣ୍ଟରେ ମେରଠର ଜୈନବ ଖାତୁନ ରୌପ୍ୟ ଓ ଦିଲ୍ଲୀର ରାଜକୁମାରୀ କାଂସ୍ୟ ପଦକ ହାସଲ କରିଛନ୍ତି । ପାରା ଏସୀୟ କ୍ରୀଡା 2023ରେ ପାୱାରଲିଫ୍ଟିଙ୍ଗରେ ଭାରତ ଏପର୍ଯ୍ୟନ୍ତ ତିନୋଟି ପଦକ ଜିତିଛି । ପ୍ରଥମ ଦିନରେ ଅଶୋକ 65 କିଲୋଗ୍ରାମରେ କାଂସ୍ୟ ପଦକ ଜିତିଥିଲେ । ଜୈନବ ଖାତୁନ 79 କିଲୋଗ୍ରାମ,82 କିଲୋଗ୍ରାମ ଓ 85 କିଲୋଗ୍ରାମ ଓଜନ ସଫଳତାପୂର୍ବକ ଉଠାଇ ରୌପ୍ୟ ପଦକ ହାସଲ କରିଛନ୍ତି । ସେହିପରି ରାଜକୁମାରୀ ଚାଲେଞ୍ଜର ସମ୍ମୁଖୀନ କରି 84 କିଲୋଗ୍ରାମ ଭାର ଉଠାଇ କାଂସ୍ୟ ପଦକ ହାସଲ କରିଥିଲେ ।
