ୱାଶିଂଟନ, ଆମେରିକାର ଲେବିଷ୍ଟନ ସରରେ ବୁଧବାର ରାତିରେ ଜଣେ ଆତତାୟୀ ଆଖିବୁଜା ଗୁଳି ଚାଳନା କରିଥିଲେ । ଫଳରେ 22ଜଣ ଲୋକଙ୍କର ମୃତ୍ୟୁ ହୋଇଛି । ସେହିପରି 50ରୁ ଅଧିକ ଲୋକ ଆହତ ହୋଇଛନ୍ତି । ଆହତମାନଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି । ଆହତଙ୍କ ମଧ୍ୟରେ ଅନେକଙ୍କ ଅବସ୍ଥା ସଙ୍କଟାପନ୍ନ ରହିଥିବାରୁ ମୃତ୍ୟୁ ସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ଅନ୍ୟପଟେ ଏପର୍ଯ୍ୟନ୍ତ ଆତତାୟୀକୁ ଗିରଫ କରିନାହିଁ ପୋଲିସ । ଏଣ୍ଡ୍ରୋସ୍କେଗିନ କାଉଣ୍ଟିଂ ଶେରିଫ୍ କାର୍ଯ୍ୟାଳୟ ପକ୍ଷରୁ ଆତତାୟୀର ଫଟୋ ଜାରି କରାଯିବା ସହ ଲୋକଙ୍କୁ ସତର୍କ ରହିବାକୁ ଆଲର୍ଟ କରାଯାଇଛି ।
ପୋଲିସ ସୂଚନା ମୁତାବକ ବୁଧବାର ରାତିରେ ସୁଟର ଜଣକ ଆଖିବୁଜା ଗୁଳି ଚାଳନା କରିଥିଲା । ଫଳରେ 22ଜଣଙ୍କର ମୃତ୍ୟୁ ହୋଇଛି । ପୋଲିସ ଆକ୍ରମଣକାରୀକୁ ଖୋଜୁଛି । ଆତତାୟୀର ଫଟୋ ଜାରି କରାଯିବା ସହ ଲୋକଙ୍କ ସହଯୋଗ ଲୋଡାଯାଇଛି । ଆକ୍ରମଣ ଆସିଥିବା ଗାଡିର ତଲାସ ମଧ୍ୟ କରୁଛି ପୋଲିସ ।
