ପୁରୀ- ସୂର୍ଯ୍ୟପରାଗ ପାଇଁ ଆଜି ଶ୍ରୀମନ୍ଦିରରେ ସ୍ୱତନ୍ତ୍ର ନୀତିକାନ୍ତି ସମାପନ ହୋଇଛି । ଶ୍ରୀଜୀଉଙ୍କ ଗ୍ରହଣ ମହାସ୍ନାନ ପରେ ମଇଲମ, ବଡ଼ସିଂହାର ବେଶ, ମଙ୍ଗଳ ଆଳତୀ, ଗ୍ରହଣ ଖଇକୋରା ଭୋଗ ଓ ତଡ଼ପ ଲାଗି ବେଶ ସମ୍ପନ୍ନ ହୋଇଛି । ଅବକାଶ ନୀତି ସହ ଅନ୍ୟାନ୍ୟ ସେବା ଯଥାରୀତି ସମ୍ପନ୍ନ ହୋଇଛି ।
ଆଜି ଗ୍ରହଣ ସ୍ପର୍ଶ କରିବା ମାତ୍ରେ ନୀତିକାନ୍ତି ଆରମ୍ଭ ହୋଇଥିଲା । ପ୍ରାୟ ଘଂଟାଏ ଧରି ଚାଲିଥିଲା ମହାପ୍ରଭୁଙ୍କ ଗ୍ରହଣ ମହାସ୍ନାନ ନୀତି । ଗତକାଲି ରାତି ସାରା ଉଜାଗର ରହି ହଜାର ହଜାର ଶ୍ରଦ୍ଧାଳଙ୍କୁ ତଡ଼ପ ଲାଗି ବେଶରେ ଦର୍ଶନ ଦେଇଥିଲେ ଶ୍ରୀଜୀଉ ମାନେ ।
