ନୂଆଦିଲ୍ଲୀ,ଆଇସିସି ପୁରୁଷ କ୍ରିକେଟ ବିଶ୍ୱକପ 2023 ଇଭେଣ୍ଟ କମିଟି ଟେକ୍ନିକାଲ କମିଟି ଶ୍ରୀଲଙ୍କା ଟିମରେ ଆଞ୍ଜେଲୋ ମାଥ୍ୟୁସଙ୍କୁ ମଥିଶା ପଥିରାନାଙ୍କ ସ୍ଥାନରେ ମଞ୍ଜୁରୀ ପ୍ରଦାନ କରିଛନ୍ତି ।
ଅଭ୍ୟାସ ମ୍ୟାଚ ସମୟରେ ପଥିରାନାଙ୍କ କାନ୍ଧରେ ଆଘାତ ଲାଗିଥିଲା । ଏବଂ ସେ ଆଘାତଜନିତ କାରଣରୁ ଟୁର୍ଣ୍ଣାମେଣ୍ଟରୁ ଓହରିଯାଇଛନ୍ତି । ତେଣୁ କମିଟି ପଥିରାନାଙ୍କ ସ୍ଥାନରେ ମାଥ୍ୟୁସଙ୍କୁ ଖେଳିବାକୁ ଅନୁମତି ପ୍ରଦାନ କରିଛନ୍ତି ।
ଏଠାରେ ସୂଚନାଯେଗ୍ୟ କୌଣସି ଖେଳାଳିଙ୍କୁ ଅନ୍ୟ ଜଣେ ଖେଳାଳିଙ୍କ ସ୍ଥାନରେ ଖେଳାଇବାକୁ ହେଲେ ଇଭେଣ୍ଟର ଟେକ୍ନିକାଲ ସମିତି ଠାରୁ ମଞ୍ଜୁରୀ ନେବାକୁ ପଡିବ । ଚଳିତ ବର୍ଷ ଏହି କମିଟିରେ ୱସିମ ଖାନ୍, କ୍ରିସ ଟେଟଲୀ, ହେମାଙ୍ଗ ଅମିନ, ଗୌରବ ସକ୍ସେନା, ରସେଲ ଅର୍ନାଲ୍ଡ ଓ ସାଇମନ ଡୋଲ ସାମିଲ ଅଛନ୍ତି ।
