ଗଙ୍ଗାନଦୀରେ ବୁଡି ପିତା-ପୁଅଙ୍କ ମୃତ୍ୟୁ

• ବୁଡିବା ପୂର୍ବରୁ ବାପ-ପୁଅ ନେଇଥିଲେ ସେଲଫି

କୋଲକାତା ,ଶ୍ରୀରାମପୁର-ହୁଗୁଳି ଜିଲ୍ଲାର ଶ୍ରୀରାମପୁର ନଗରପାଳିକାର 29 ନମ୍ବର ୱାର୍ଡର ଧୋବିୟାପାଡାର ବାସିନ୍ଦା ବାପ ପୁଅ ଗଙ୍ଗାନଦୀର ସୁର୍ଖୀ ଘାଟରେ ଗାଧୋଉଥିବା ବେଳେ ନଦୀରୁ ବୁଡିଯାଇଛନ୍ତି । ବାପ ପୁଅ ଫୁଲ ଏବଂ ଅନ୍ୟାନ୍ୟ ବିସର୍ଜନ ସାମଗ୍ରୀ ନେଇ ନଦୀକୁ ଯାଇଥିଲେ । ଏହି ସମୟରେ ସେମାନେ ଗାଧୋଇଥିଲେ । ଏହି ସମୟରେ ଉଭୟେ ସେଲଫି ମଧ୍ୟ ଉଠାଇଥିଲେ । ଏହାପରେ ବାପା ଜଣକ ମୋବାଇଲ୍ ରଖିବା ପାଇଁ ବାହାରକୁ ଆସିଥିବା ବେଳେ ଅଚାନକ ନଦୀରେ ଜୁଆର ଆସି ପୁଅଟି ବୁଡିଯାଇଥିଲା । ପୁଅକୁ ନଦୀରେ ବୁଡିବା ଦେଖି ବାପା ମଧ୍ୟ ପାଣିକୁ ଡେଇଁଥିଲା । ମାତ୍ର ବାପା ବି ପାଣିରେ ଭାସିଯାଇଥିଲା । ଶ୍ରୀରାମପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଲାସୀ ଅଭିଯାନ ଆରମ୍ଭ କରିଥିଲା । ରିଶଡାର ବନ୍ଧା ଘାଟରୁ ଉଭୟଙ୍କ ମୃତଦେହ ଉଦ୍ଧାର ହୋଇଛି ।