ଭୁବନେଶ୍ୱର,ଦନ୍ତା ଆକ୍ରମଣରେ ଜଣେ ଯୁବକଙ୍କ ମୃତ ହୋଇଛି । ସୁନ୍ଦରଗଡ ବଡ଼ଗାଁ ଫରେଷ୍ଟ ରେଞ୍ଜ ଫୁଲବାରି ପଞ୍ଚାୟତ ଲାଖପଡ଼ାରେ ଘଟିଛି ଏଭଳି ଘଟଣା । ଗତକାଲି ରାତିରେ ଏକ ଦନ୍ତା ଗାଁ ଭିତରେ ପ୍ରବେଶ କରି ବ୍ୟାପକ କ୍ଷୟକ୍ଷତି ଘଟାଇଛି । ହାତୀଟି ଲାଖପଡ଼ାର ବିରେନ କିଷାନଙ୍କ ଘର ଭାଙ୍ଗିବା ସହ ତାଙ୍କୁ ଶୁଣ୍ଢରେ ଟେକି କଚାଡି ଦେଇଛି । ଫଳରେ ଘଟଣାସ୍ଥଳରେ ହିଁ ବିରେନଙ୍କର ମୃତ୍ୟୁ ହୋଇଥିଲା । ସେହିପରି ଦାଣ୍ଡଜମିରା ଗାଁରେ 3ଟି ଘର ଭାଙ୍ଗିଛି ଦନ୍ତା । ଖବର ପାଇ ବନବିଭାଗ ଘଟଣାସ୍ଥଳରେ ପହଞ୍ଚିଛି । ତେବେ ହାତୀଟି ଗାଁରେ ଆତଙ୍କ ଖେଳାଇ ରଖିଥିବା ବେଳେ ତାକୁ ଘଉଡାଇବାରେ ବିଫଳ ହୋଇଛି ବନବିଭାଗ ।
