ଜୟପୁର, ଜୟପୁର ସ୍ଥିତ ବିକ୍ରମ ଦେବ ବିଶ୍ଵବିଦ୍ୟାଳୟ ପରିସରରେ ବେକରେ ଦଉଡି ଲଗାଇ ଜଣେ ଯୁବକ ସୋମବାର ଆତ୍ମହତ୍ୟା କରିଛନ୍ତି । ମୃତକ ଜଣକ ହେଉଛନ୍ତି ପାରାବେଡାରେ ରହୁଥିବା ଡମ୍ବୁରୁ ପରଜା । ସେ ପୌରପାଳିକାରେ ସୁଇପର ଭାବେ କାଯ୍ୟ କରୁଥିଲେ । ବିଶ୍ଵବିଦ୍ୟାଳୟ ପରିସରରେ ଥିବା ଏକ ଗଛ ଉପରେ ଚଢି ସେ ବେକରେ ଦଉଡି ଲଗାଇ ଆତ୍ମହତ୍ୟା କରିଥିବା ଜଣାଯାଇଛି । ଖବର ଜୟପୁର ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଛେଦ ନିମନ୍ତେ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଏ ସଂକ୍ରାନ୍ତରେ ଜୟପୁର ଟାଉନ ପୋଲିସ ଏକ ଅପମୃତ୍ୟୁ ମାମଲା ରୁଜୁ କର ତଦନ୍ତ ଆରମ୍ଭ କରିଥିବା ଟାଉନ ଥାନା ସୂତ୍ରରୁ ସୂଚନା ଦିଆଯାଇଛି ।
