-
ସଚେତନତା ସୃଷ୍ଟି କରିବ ଏହି ଉତ୍ସବ,
କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ବିଶ୍ୱ ବନ୍ଧୁତ୍ବ ନିମନ୍ତେ ଆଧ୍ୟାତ୍ମିକ ଉତ୍ସବ ‘ଦିବ୍ୟ ସମାଗମ’ ଶ୍ରୀ ଗୋପୀନାଥ ଗୌଡ଼ୀୟ ମଠ ପକ୍ଷରୁ ଆସନ୍ତା ୧୬ ତାରିଖରୁ ୧୮ ପର୍ଯ୍ୟନ୍ତ ଶ୍ରୀଜଗନ୍ନାଥ
ଧାମ, ପୁରୀ, ହେଲିପ୍ୟାଡ଼ ଠାରେ ଅନୁଷ୍ଠିତ ହେବ l ଏହି କାର୍ଯ୍ୟକ୍ରମରେ ପାଞ୍ଚ ହଜାର ସାଧୁସନ୍ଥଙ୍କ ଦିବ୍ୟ ସମାଗମ ହେବ l ଏ ନେଇ ଶ୍ରୀ ଚକ୍ରତୀର୍ଥ ରୋଡ ଗୋପୀନାଥ ଗୌଡ଼ୀୟ ମଠ ପରିସରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା l ସାମ୍ବାଦିକ ସମ୍ମିଳନୀରେ ମଠ ସଭାପତି ବି ବି ବୋଧ୍ୟାୟନ ସ୍ୱାମୀ ମହାରାଜ ଗଣମାଧ୍ୟମକୁ ସୂଚନା ଦେଇ କହିଥିଲେ ଯେ ଅନୁଷ୍ଠିତ ହେଵାକୁ ଥିବା ଦିବ୍ୟ ସମାବେଶ ଏଚ୍ଡିଜି ଶ୍ରୀଲ ଭକ୍ତି
ପ୍ରମୋଦ ପୁରୀ ଗୋସ୍ଵାମୀ ଠାକୁରଙ୍କ ୧୨୫ତମ ଆବିର୍ଭାବ ବାର୍ଷିକୀ ଏବଂ ଏଚ୍ଡିଜି ପ୍ରଭୁପଦ ଭକ୍ତିସିଦ୍ଧାନ୍ତ ସରସ୍ଵତୀ ଗୋସ୍ଵାମୀ ଠାକୁରଙ୍କ ୧୫୦ତମ ଆଗମନ ବାର୍ଷିକୀର ପ୍ରତୀକ ଅଟେ । ମୂଳ ରୂପରେ ‘ଦିବ୍ୟ ସମାଗମ’ ସନାତନ ଧର୍ମର ବିଶ୍ବ ଆଧ୍ୟାତ୍ମିକ ପରମ୍ପରାକୁ ଏକତ୍ରିତ କରି, ତାହାକୁ ସମ୍ମାନ ଦେବାର ପ୍ରୟାସ କରିଥାଏ । କୃଷ୍ଣ ଚେତନା, ସନାତନ ଧର୍ମ ଏବଂ ଭିନ୍ନ ଭିନ୍ନ ସନାତନ ସଂପ୍ରଦାୟ ମଧ୍ୟରେ ଏକତାକୁ ପ୍ରୋତ୍ସାହନ ଯୋଗାଇବା ନିମନ୍ତେ ଏହି କାର୍ଯ୍ୟକ୍ରମ ବିବିଧ ସନାତନ ସଂପ୍ରଦାୟର ଆଧ୍ୟାତ୍ମିକ ନେତୃବୃନ୍ଦ, ପ୍ରବକ୍ତା ଓ ଭକ୍ତ ଗଣଙ୍କୁ ପରସ୍ପର ସହ ଯୋଡ଼ିଥାଏ । ଆଜିର ସମୟରେ ବସ୍ତୁବାଦ ଦ୍ବାରା ସୃଷ୍ଟି ହୋଇଥିବା ଆଧ୍ୟାତ୍ମିକ ସଂକଟକୁ ଦୂର କରିବା ଏବଂ ହିନ୍ଦୁ ସଂପ୍ରଦାୟରେ ବିବିଧତା ମଧ୍ୟରେ ଏକତାର ପ୍ରତିପୋଷଣ କରିବା ଆମର ଉଦେଶ୍ୟ । “ଆଧ୍ୟାତ୍ମିକ ଉତ୍ଥାନ:” ଜ୍ଞାନ ବଣ୍ଟନ ଓ ପ୍ରବଚନ ମାଧ୍ୟମରେ ଉପସ୍ଥିତ ଦର୍ଶକ ଆଧ୍ୟାତ୍ମିକ ଦୃଷ୍ଟିକୋଣ ହାସଲ କରିବେ, ଯାହା
ତାଙ୍କର ଜୀବନ ଉପରେ ସକାରାତ୍ମକ ପ୍ରଭାବ ପକାଇବା ସହିତ ଅନ୍ତର୍ନିହିତ ଶାନ୍ତି ଓ ସୁସ୍ଥତାକୁ ପ୍ରୋତ୍ସାହନ ଦେବ । “ପରିବେଶ ସଚେତନତା:’ ଗୋ ସୁରକ୍ଷା, ନଦୀ ସଂରକ୍ଷଣ ଏବଂ ଧାର୍ମିକ ପୀଠଗୁଡ଼ିକର ପୁନରୁଦ୍ଧାର ଉପରେ ଆଲୋଚନା ଆମ ପରିବେଶ ସଂରକ୍ଷଣର ମହତ୍ତ୍ବକୁ ନେଇ ସଚେତନତା ସୃଷ୍ଟି କରିବା ସହ
ଆମର ସମୃଦ୍ଧ ସାଂସ୍କୃତିକ ଐତିହ୍ୟକୁ ଆଲୋକିତ କରି, ଆମ ପରମ୍ପରାର ସଂରକ୍ଷଣ ଏବଂ ପ୍ରୋତ୍ସାହନ
କରିବା ପାଇଁ ଉପସ୍ଥିତ ଲୋକମାନଙ୍କ ମଧ୍ୟରେ ଗର୍ବ ଓ ଦାୟିତ୍ଵବୋଧର ଭାବନା ସୃଷ୍ଟି କରିବା ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ ଅଟେ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଥିଲା l ଅନ୍ୟମାନଙ୍କ ମଧ୍ୟରେ ବି ଏସ ଦାମୋଦର ସ୍ୱାମୀ, ସୁନିତା ନନ୍ଦନ ଦାସ, ବି ଏସ ବାମନ ସ୍ୱାମୀ, ରୋହୀନ ନନ୍ଦନ ଦାସ, ଭରହ ମହାରାଜ ପ୍ରମୁଖ ଉପସ୍ଥିତ ରହି ଗଣମାଧ୍ୟମଙ୍କୁ ସୂଚନା ପ୍ରଦାନ କରିଥିଲେ l
