ନୂଆଦିଲ୍ଲୀ, ନର୍ଥ-ଇଷ୍ଟ ଏକ୍ସପ୍ରେସ ଦୁର୍ଘଟଣାର ମୃତକଙ୍କ ପାଇଁ ଶୋକ ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଭାବିତ ଲୋକଙ୍କୁ ଅଧିକାରୀମାନେ ଯଥା ସମ୍ଭବ ସହାୟତା ପ୍ରଦାନ କରୁଥିବା ପିଏମ କହିଛନ୍ତି । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଗୁରୁବାର ସୋସିଆଲ ମିଡିଆ ଏକ୍ସରେ କୁହାଯାଇଛି ଯେ, ନର୍ଥ-ଇଷ୍ଟ ଏକ୍ସପ୍ରେସର କିଛି ଡବା ଲାଇନଚ୍ୟୁତ ଯୋଗୁ ଲୋକଙ୍କ ମୃତ୍ୟୁ ହୋଇଛି । ଯାହାକୁ ନେଇ ମୁଁ ଦୁଃଖିତ । ଶୋକସନ୍ତପ୍ତ ପରିବାରକୁ ସମବେଦନା ଜଣାଉଛି । ଆହତଙ୍କ ଆଶୁ ଆରୋଗ୍ୟ କାମନା କରୁଛି ବୋଲି ପିଏମ କହିଛନ୍ତି ।
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଦୁର୍ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି । ସୋସିଆଲ ମିଡିଆ ଏକ୍ସରେ ସେ ଲେଖିଛନ୍ତି ଯେ, ଅପୂରଣୀୟ କ୍ଷତି ପାଇଁ ଗଭୀର ସମବେଦନା । ଲାଇନଚ୍ୟୁତ ହେବାର କାରଣ ଖୋଜାଚାଲିଛି ।
