କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ, ସାହିଭାଇ ଅନୁଷ୍ଠାନର ୧୧ତମ ପ୍ରତିଷ୍ଠା ଦିବସ ତଥା ୬ଷ୍ଟ ବାର୍ଷିକ ଉତ୍ସବ “କର୍ତ୍ତବ୍ଯ ୨୦୨୩” ଅବସରରେ ଅନୁଷ୍ଠାନ ତରଫରୁ ଚଳିତ ମାସ ୦୨ ରୁ ୦୯ ତାରିଖ ପର୍ଯ୍ୟନ୍ତ ଆୟୋଜିତ ସଂକଳ୍ପ ସପ୍ତାହର ୭ମ ଦିବସରେ ବେଲଦଳ ପଞ୍ଚାୟତ ଅନ୍ତର୍ଗତ ବାତ୍ଯା ଆଶ୍ରୟସ୍ଥଳ ମଧ୍ୟରେ ବେଲଦଳ ଯୁବକ ସଂଘ ଓ ପୁରୀ ବ୍ଲଡ ବ୍ୟାଙ୍କ ଙ୍କ ସହଯୋଗ ରେ ଏକ ରକ୍ତଦାନ ଶିବିର ଆୟୋଜନ କରାଯାଇଥିଲା । ଏହି ରକ୍ତଦାନ ଶିବିରକୁ ଅନୁଷ୍ଠାନର କାର୍ଯ୍ୟକାରୀ ସଭାପତି ଶ୍ରୀ ବ୍ରଜବନ୍ଧୁ ମହାରଣା ଏବଂ ବେଳଦଳ ପଞ୍ଚାୟତ ସରପଞ୍ଚ ଶ୍ରୀମାନ ବିପିନ ଦାସ ମିଳିତ ଭାବେ ଉଦଘାଟନ କରିଥିଲେ । ଏହି ରକ୍ତଦାନ ଶିବିରରେ ୫୮ ୟୁନିଟ ରକ୍ତ ସଂଗ୍ରହ ହୋଇଥିବା ବେଳେ ପ୍ରାୟତଃ ୨୫ ଜଣ ନୂତନ ରକ୍ତଦାତା ରକ୍ତଦାନ କରିଥିଲେ ।
ସଂକଳ୍ପ ସପ୍ତାହର ପ୍ରଥମ ଦିନରୁ ଅନୁଷ୍ଠାନ ତରଫରୁ ବିଭିନ୍ନ ସମାଜିକ କାର୍ଯ୍ୟକ୍ରମ ଅନୁଷ୍ଠିତ ହେଉଥିବା ବେଳେ ଆସନ୍ତା ଅକ୍ଟୋବର ୦୯ ତାରିଖରେ ଗୋପବନ୍ଧୁ ଜୟନ୍ତୀ ଅବସରରେ ବକୁଳବନ ବିଦ୍ୟାଳୟ ସତ୍ୟବାଦୀ ଠାରେ ମହାଗୁରୁ ଗୋପବନ୍ଧୁଙ୍କ ଚରଣ ପୂଜନ ସହ ଅନୁଷ୍ଠାନର ବାର୍ଷିକ ଉତ୍ସବ “କର୍ତ୍ତବ୍ଯ -୨୦୨୩”କୁ ପାଳନ କରାଯିବ ।
ଶିବିରର ଶେଷରେ ଅନୁଷ୍ଠାନ ତରଫରୁ ସମସ୍ତ ରକ୍ତଦାତା ଓ ପୁରୀ ବ୍ଲଡ ବ୍ୟାଙ୍କ କୁ ଧନ୍ୟବାଦ ଅର୍ପଣ ସହ ଅନୁଷ୍ଠାନର ସ୍ମାରକ ପତ୍ର ପ୍ରଦାନ କରାଯାଇଥିଲା । ଶିବିର ପରିଚାଳନା ରେ ଅନୁଷ୍ଠାନର ସଦସ୍ଯ ହିତେଶ ପ୍ରଧାନ ,ସୁବ୍ରତ ପ୍ରଧାନ ଙ୍କ ପ୍ରତେକ୍ଷ ତତ୍ୱାବଧାନ ରେ ପରିଚାଳିତ ହୋଇଥିଲା ଏବଂ ଉକ୍ତ କାର୍ଯ୍ୟକ୍ରମ ରେ ଅନୁଷ୍ଠାନ ର ସଦସ୍ୟ ପ୍ରକାଶ , ମହାରଥି, ଗୌରୀ, କାହ୍ନୁ ,ବଳରାମ,ରତ୍ନାକର,ବିକ୍ରମ, ଦୁର୍ଗା,ଅଜୁ,ଦିପୁ,ନିକି ଓ ରୁବି ସହୋଯାଗ କରିଥିଲେ ।
