ଅନୁଗୁଳ, ମର୍ଣ୍ଣିଂ ୱାକ୍ ରେ ଯାଇଥିବା ବେଳେ ଅଜଣା ଗାଡି ଧକ୍କାରେ ଦୁଇ କଲେଜ ଛାତ୍ରଙ୍କ ମୃତ୍ୟୁ ଘଟିଛି । ୪୯ ନମ୍ବର ଜାତୀୟ ରାଜପଥର ଅନୁଗୋଳ ଜିଲ୍ଲା ପାଲଲହଡ଼ା ମୁକ୍ତାପୁର ଛକରେ ଆଜି ସକାଳେ ଏହି ଦୁର୍ଘଟଣା ଘଟିଛି । ଦୃତ ଗତିରେ ଆସୁଥିବା କୌଣସି ଗାଡ଼ି ଏମାନଙ୍କୁ ପିଟି ଦେଇ ଫେରାର୍ ହୋଇଯାଇଥିବା ଜଣାପଡିଛି ।
ମୃତକ ଦ୍ଵୟ ହେଉଛନ୍ତି- ସାଧୁ ସାମାଡ଼ (୨୮) ଓ ବାବୁଲି ଣୁଣ୍ଢି (୧୭) । ସାଧୁଙ୍କ ଘର ମୁକ୍ତାପୁରରେ । ସେ ଇଞ୍ଜିନିୟରିଂ ପଢିଥିଲେ । ସେହିପରି ବାବୁଲି ମୁକ୍ତାପୁରରେ ତାଙ୍କ ମାମୁଁ ଘରେ ରହି ପାଲଲହଡ଼ା ସ୍ଥିତ ମାଲ୍ୟଗିରି କଲେଜରେ ଯୁକ୍ତ ଦୁଇରେ ପଢୁଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି । ଅନ୍ୟପକ୍ଷରେ ଏହି ଖବର ପ୍ରଚାରିତ ହେବା ପରେ ଅଂଚଳରେ ଶୋକର ଛାୟା ଖେଳିଯାଇଛି ।
