ମାଲକାନଗିରି, ମାଲକାନଗିରି ଜିଲା ମାଥିଲି ବନ ବିଭାଗ ତରଫରୁ ବଜ୍ରକାପ୍ତା ଜବତ କରାଯିବା ସହ ଏଥିରେ ସମ୍ପୃକ୍ତ ଦୁଇ ଜଣଙ୍କୁ ଗିରଫ କରାଯାଇଛି। ଗତକାଲି ରାତିରେ ବିଶେଷ ସୂତ୍ରରୁ ଖବର ପାଇ ମାଥିଲି ବନ ବିଭାଗ କର୍ମଚାରୀମାନେ ମାଥିଲି ଥାନା ଚେଡେଙ୍ଗା ପଞ୍ଚାୟତ ଦାମାପଡ଼ା ଗ୍ରାମରେ ଚଢଉ କରିଥିଲେ। ମୋଟର ସାଇକେଲରେ ଦୁଇ ଜଣ ଆସୁଥିବା ଦେଖି ସେମାନଙ୍କୁ ଅଟକାଇ ଯାଞ୍ଚ କରାଯିବାରୁ ଗୋଟିଏ ବସ୍ତାରେ ଏକ ମୃତ ବଜ୍ରକାପ୍ତା ଥିବା ଦେଖିବାକୁ ପାଇଥିଲେ। ମୃତ ବଜ୍ରକାପ୍ତା ସହ ଉକ୍ତ ଦୁଇ ଜଣଙ୍କୁ ଗିରଫ କରି ଆଜି ମାଥିଲି ଫାଷ୍ଟଟ୍ରାକ୍ କୋର୍ଟ ଚାଲାଣ କରିଥିବା ବନାଞ୍ଚଳ ତରଫରୁ ସୂଚନା ପ୍ରଦାନ କରାଯାଇଛି। ଗିରଫ ହୋଇଥିବା ଦୁଇ ଜଣ ବ୍ୟକ୍ତି ମାଥିଲି ଥାନା ଚେଡେଙ୍ଗା ଗ୍ରାମର ରାମଚନ୍ଦ୍ର ଦୋରା ଓ ଅଭି ଗୌଡ। ବଜ୍ରକାପ୍ତା ସହ ସେମାନଙ୍କ ଠାରୁ ଗୋଟିଏ ମୋଟର ସାଇକେଲ ମଧ୍ୟ ଜବତ କରିଛି ବନ ବିଭାଗ।
