କୈଳାଶ ଚନ୍ଦ୍ର ପଣ୍ଡାଙ୍କ ରିପୋର୍ଟ,
ପୁରୀ,ଗାନ୍ଧୀ ଜୟନ୍ତୀ ଅବସରରେ ଇନର ହୁଇଲ୍ କ୍ଲବ ଶ୍ରୀକ୍ଷେତ୍ର,ପୁରୀ ଆନୁକୁଲ୍ୟରେ ଓ ଅନଦା ପୁରୀ,ସି. ଆଇ .ଆର. ଟି .ଡି ସୁନ୍ଦରଗଡ଼, ସେଡ୍ ବୌଧ ,ଦି ବେଲ୍ ଓମେନସ୍ କ୍ଲବ ପୁରୀ ସହଯୋଗରେ ଭିନ୍ନକ୍ଷମ ମହିଳା ମାନଙ୍କୁ ସ୍ବାବଲମ୍ବୀ କରାଇବା ପାଇଁ ସ୍ବାସ୍ଥ୍ୟ ପାଇଁ ମିଲେଟ୍ କାର୍ଯ୍ୟକ୍ରମ ଆୟୋଜନ କରାଯାଇଛି।ପୁରୀ ଜିଲ୍ଲାପାଳ କ୍ୟାଣ୍ଟିନ ଚଟଣି ଠାରେ ଆୟୋଜିତ ଏହି ଟ୍ରେନିଂ କାର୍ଯ୍ୟକ୍ରମକୁ ଉଦ୍ଦଘଟାନ କରି ପୁରୀ ଉପଜିଲ୍ଲାପାଳ ଭବତାରଣ ସାହୁ ମାଣ୍ଡିଆ ଜାତୀୟ ଖାଦ୍ୟ ସ୍ବାସ୍ଥ୍ୟ ପାଇଁ ଅନେକ ଉପଯୋଗୀ ଏବଂ ଏହି ଟ୍ରେନିଂ ଫଳରେ ମା ମାନେ ଅଧିକ ପରିମାଣରେ ପୌଷ୍ଟିକ ଆହାର ଘରେ ପ୍ରସ୍ତୁତ କରିପାରିବେ ବୋଲି କହିଥିଲେ।କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବରେ ଯୋଗ ଦେଇ ପୁରୀ ଜିଲ୍ଲା ଦିବ୍ୟାଙ୍ଗ ମହାମଞ୍ଚ ଅଧ୍ୟକ୍ଷ ସିଦ୍ଧାର୍ଥ ରାୟ ଯୋଗ ଦେଇ ମିଲେଟ୍ ପ୍ରସ୍ତୁତ ବିଭିନ୍ନ ଖାଦ୍ୟ ପଦାର୍ଥର ଚାହିଦା ବର୍ତ୍ତମାନ ମାର୍କେଟରେ ବଢ଼ୁ ଥିବାରୁ ଏହି ରେଶିପି ଟ୍ରେନିଂ କାର୍ଯ୍ୟକ୍ରମ ଅନେକଙ୍କୁ ସ୍ବାବଲମ୍ବୀ କରାଇବାରେ ସହାୟତା କରିବ ବୋଲି କହିଥିଲେ।ଏହି କାର୍ଯ୍ୟକ୍ରମରେ ଓଡ଼ିଶା ମିଲେଟ୍ସ ମିଶନର ଇଭେଣ୍ଟ କୋର୍ଡିନେଟର ମାଷ୍ଟର ଟ୍ରେନର ଭାବରେ ସବନମ ଯୋଗ ଦେଇ ମିଲେଟ ଦ୍ଵାରା ପ୍ରସ୍ତୁତ ବିଭିନ୍ନ ଖାଦ୍ୟ ପଦାର୍ଥ ପ୍ରସ୍ତୁତ କରିବା ଶିଖାଇଥିଲେ।ଏହି କାର୍ଯ୍ୟକ୍ରମକୁ ଅନ୍ନଦା ଅନୁଷ୍ଠାନର ନିର୍ଦ୍ଦେଶକ ରୁଚି ମିତ୍ରା ଜଗଦେବ ମହାପାତ୍ର ଇନର ହୁଇଲ କ୍ଳବ୍ ଶ୍ରୀକ୍ଷେତ୍ରର ସଭାପତି ସବିତା ହରିଚନ୍ଦନ,ସମ୍ପାଦକ ରାଜଲକ୍ଷ୍ମୀ ଦାସ,ଉପସଭାପତି ରୁପଶ୍ରି ଧଳ ପ୍ରଭୃତି ପରିଚାଳନା କରିଥିଲେ।କାର୍ଯ୍ୟକ୍ରମ ଶେଷରେ ଅଂଶଗ୍ରହଣ କାରିଙ୍କୁ ପ୍ରଣାମ ପତ୍ର ବଣ୍ଟନ କରାଯିବା ସହିତ ମାଣ୍ଡିଆ ପ୍ରସ୍ତୁତ କର୍ଡ ରାଇସ, ଖିରି, ମିଠା, ରୋଟି ଇତ୍ୟାଦି ସମସ୍ତଙ୍କୁ ପରଷା ଯାଇଥିଲା।
